بەلگىلى جازۋشى، دراماتۋرگ سوفى سماتاەۆ ءوزىنىڭ فەيسبۋك پاراقشاسىندا جەكە كىتاپحاناسىنداعى كىتاپتاردى جاناشىر وقىرماندارعا تاراتىپ جاتقاندىعىن جازىپ، جازبا قالدىردى دەپ حابارلايدى "ادىرنا" ۇلتتىق پورتالى.
"مەنىڭ ەكى قابات ءۇيىمنىڭ ءبىر قاباتىندا سىرەسىپ قالاۋلى تۇرعان 20250 (810 كومپلەكت) كىتابىمدى مارقۇم شاحمينام: “وقىرماندارىڭا ارزانداتىپ جونەلتسەڭشى. اياق الىپ جۇرە المايمىز” دەپ كەيتىن.
كىتاپتارىما سۇرانىس بەرۋىن ءوتىنىپ بارلىق وبلىس اكىمدەرىنە حات جازىپ جىبەرگەم. حاتىم اكىمدەردىڭ قولىنا تيمەي، مادەنيەت باسقارماسىنداعىلاردىڭ: “1 نە 2 كومپلەكتىسىن الىپ قالارمىز. جاۋابىمىزعا كەلىسپەگەن جاعدايدا ءبىزدى سوتقا بەرۋگە قۇقىڭىز بار” دەيتىن “وتپيسكامەن” وزىمە ورالدى.
ەندىگى بار مۇمكىندىك سىزدەرگە عانا تىرەلىپ تۇر، دوستار. بىراق… ءبىر ايدان استام ۋاقىت ىشىندە الگى 20250 كىتاپتىڭ 9 (توعىز!) توپتاماسىن (الماتى-4, باسقا قالاداعىلار -5) الدى. 20250 ياعني 801 توپتامام مۇرتى دا بۇزىلماي ءۇيىلىپ، ۇيەلەپ جاتىر.
سىزدەر 15 مىڭدى اۋىرسىنساڭىزدار 12 مىڭنان بەرەيىن. باسقا قالاداعىلار 12 مىڭ + 1 (پوشتاعا) = 13 مىڭ تولەيدى.
مەنىڭ قازىرگى قارىزىم 5 ميلليون تەڭگەنىڭ ۇستىندە. نەگە قارىزدانعانىمدى سەزەتىن شىعارسىزدار.
سونى وتەۋدىڭ بىردەن ءبىر جولى – كىتاپتارىمنىڭ تەزىرەك ءوتۋى. سىزدەرگە، دوستار، قۇلاققاعىس ەتۋدەن دە شارشادىم. سىزدەر دە مەنەن جالىققان بولارسىزدار. شاراسىز كۇيدىڭ شىرىلداتۋى عوي مەنىكى", — جازدى (جازۋشىنىڭ جازباسىن ەش وزگەرىسسىز بەرىپ وتىرمىز-رەد.) س.سماتاەۆ.
ءبىز وقىرمان قاۋىمدى جازۋشىعا جاناشىرلىق تانىتىپ، كىتاپتارىنىڭ تەزىرەك ءوتىپ كەتۋىنە قول ۇشىن بەرۋدى سۇرايمىز.
"ادىرنا" ۇلتتىق پورتالى.
