Sofy Smataev jeke kitaphanasyndaǵy kitaptardy taratyp jatqandyǵyn aıtty

579
Belgili jazýshy,  dramatýrg Sofy Smataev óziniń feısbýk paraqshasynda jeke kitaphanasyndaǵy kitaptardy janashyr oqyrmandarǵa taratyp jatqandyǵyn jazyp, jazba qaldyrdy dep habarlaıdy "Adyrna" ulttyq portaly.
"Meniń eki qabat úıimniń bir qabatynda siresip qalaýly turǵan 20250 (810 komplekt) kitabymdy marqum Shahmınam: “Oqyrmandaryńa arzandatyp jóneltseńshi. Aıaq alyp júre almaımyz” dep keııtin.
Kitaptaryma suranys berýin ótinip barlyq oblys ákimderine hat jazyp jibergem. Hatym ákimderdiń qolyna tımeı, mádenıet basqarmasyndaǵylardyń: “1 ne 2 komplektisin alyp qalarmyz. Jaýabymyzǵa kelispegen jaǵdaıda bizdi sotqa berýge quqyńyz bar” deıtin “otpıskamen” ózime oraldy.
Endigi bar múmkindik sizderge ǵana tirelip tur, dostar. Biraq… Bir aıdan astam ýaqyt ishinde álgi 20250 kitaptyń 9 (toǵyz!) toptamasyn (Almaty-4, basqa qaladaǵylar -5) aldy. 20250 ıaǵnı 801 toptamam murty da buzylmaı úıilip, úıelep jatyr.
Sizder 15 myńdy aýyrsynsańyzdar 12 myńnan bereıin. Basqa qaladaǵylar 12 myń + 1 (poshtaǵa) = 13 myń tóleıdi.
Meniń qazirgi qaryzym 5 mıllıon teńgeniń ústinde. Nege qaryzdanǵanymdy sezetin shyǵarsyzdar.
Sony óteýdiń birden bir joly – kitaptarymnyń tezirek ótýi. Sizderge, dostar, qulaqqaǵys etýden de sharshadym. Sizder de menen jalyqqan bolarsyzdar. Sharasyz kúıdiń shyryldatýy ǵoı meniki", — jazdy (jazýshynyń jazbasyn esh ózgerissiz berip otyrmyz-red.) S.Smataev.
Biz oqyrman qaýymdy jazýshyǵa janashyrlyq tanytyp, kitaptarynyń tezirek ótip ketýine qol ushyn berýdi suraımyz.
"Adyrna" ulttyq portaly.
Pikirler
Redakııa tańdaýy