جيرينوۆسكي ءۇشىنشى دۇنيەجۇزىلىك سوعىستى 2027 جىلعا قاراي اۋىستىرۋدى سۇرادى دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.
ول ناتو ەلدەرى مەن ۋكراينانىڭ بىرلەسكەن جاتتىعۋلارى "ناعىز سوعىسقا" دايىندالىپ جاتقانىن بىلدىرەتىنىن ايتتى.
رەسەيدىڭ ليبەرالدى-دەموكراتيالىق پارتياسىنىڭ جەتەكشىسى ۆلاديمير جيرينوۆسكي «روسسيا 1» تەلەارناسىنىڭ ەفيرىندە 2027 جىلى اۋقىمدى جانجال باستالۋى مۇمكىن ەكەنىن، اسكەرلەر بىرتىندەپ رەسەي شەكاراسىنا اكەلىنۋدە، ال قارۋ-جاراقتىڭ "جيناقتالۋ" پروتسەسى كيەۆكە دەگەن "كومەكتىڭ" استىندا جاسىرىلعانىن جەتكىزدى.
"مەن 80 جىلدىق مەرەيتويىمدى اتاپ وتكىم كەلەدى. 2026 جىلى 80 جاسقا تولامىن. سودان كەيىن، مەنىڭ 85 جاسقا تولعانىما دەيىن باستاڭىز،" - دەدى جيرينوۆسكي جاھاندىق قاقتىعىستىڭ باستالاتىن كۇنىن ءتۇسىندىرىپ.
ول سونداي -اق ۋكراينادا كوپتەگەن قارۋ-جاراق ساقتالعانىن، بۇل ءۇشىنشى دۇنيەجۇزىلىك سوعىسقا جەتكىلىكتى بولعانىن، الايدا ونداعى قارۋ-جاراقتىڭ ءبارى "تونالىپ، ساتىلعانىن " ايتتى.
ۋكراينانىڭ قورعانىس ءمينيسترى اندرەي تاران بۇعان دەيىن ەۋروپا وداعىنىڭ اسكەري دايىندىق ميسسياسىن 2021 جىلدىڭ سوڭىنا دەيىن ەلدە ورنالاستىرۋدى كۇتەتىنىن ايتقان بولاتىن. ال رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا جاۋاپ رەتىندە ماسكەۋ كيەۆ پەن بريۋسسەلدى مۇنداي اسىعىس جوسپارلاردان باس تارتۋعا شاقىراتىنىن، سەبەبى بۇل دونباسستاعى شيەلەنىستىڭ ۋشىعۋىنا ىقپال ەتەتىنىن اتاپ ءوتتى.
"ادىرنا" ۇلتتىق پورتالى.
