قازاقستان حالقى اسسامبلەياسى توراعاسىنىڭ ورىنباسارى، قر پرەزيدەنتى اكىمشىلىگى قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءازىلحانوۆ شىمكەنت قالاسىنداعى وزبەك دراما تەاترىندا وزبەك ەتنومادەني بىرلەستىگىنىڭ مۇشەلەرىمەن كەزدەستى. باسقوسۋدا وزبەك ەتنوسىنىڭ وكىلدەرى تىعىز شوعىرلانعان سايرام تۇرعىن الابىنداعى دوستىق پەن ىنتىماقتاستىقتى ودان ءارى نىعايتۋ، جانە ىشكى تۇراقتىلىقتىڭ ماڭىزدىلىعى ايتىلدى.
بۇگىندە شىمكەنت قالاسى تۇرعىندارىنىڭ 17,5%-ىن وزبەك ەتنوسىنىڭ وكىلدەرى قۇرايدى. شاھارداعى وزبەكتەردىڭ باسىم بولىگى سايرام تۇرعىن الابىندا قونىستانعان. قالادا 4 مەكتەپتە وزبەك تىلىندە ءبىلىم بەرىلسە، 32 ارالاس مەكتەپتە وزبەك سىنىپتارى بار.
يكرام حاشيمجانوۆ - قازاقستانداعى وزبەك ەتنومادەني بىرلەستىكتەرى «دۋستليك» قاۋىمداستىعىنىڭ توراعاسى
كەزدەسۋدە قازاقستانداعى وزبەك ەتنومادەني بىرلەستىكتەرى «دۋستليك» قاۋىمداستىعىنىڭ توراعاسى يكرام حاشيمجانوۆ وڭىرىمىزدەگى بىرلىك پەن تاتۋلىقتى نىعايتۋ باعىتىندا اتقارىلىپ جاتقان جۇمىستار تۋرالى باياندادى.
عالىم شويكين - قر اقپارات جانە قوعامدىق دامۋ مينيستىرلىگىنىڭ ەتنوسارالىق قاتىناستاردى دامىتۋ كوميتەتىنىڭ توراعاسى
جيىن سوڭىندا قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ قاۋىمداستىق توراعاسىنا وزبەك ەتنومادەني بىرلەستىگىنىڭ جۇمىسىن جانداندىرۋعا قاتىستى بىرقاتار مىندەتتەر جۇكتەپ، بىرلىك قاعيداتتارىن شوعىرلاندىرۋعا باعىتتالعان ارنايى جوبالار ازىرلەپ، ەنگىزۋدى تاپسىردى.
ن.ءابدىراشيت
