«كالمار ويىنى» سەريالى بالا پسيحيكاسىنا قاۋىپتى مە - بجعم جاۋابى

824

ءبىلىم جانە عىلىم ۆيتسە-ءمينيسترى شولپان كارينوۆا ورتالىق كوممۋنيكاتسيالار قىزمەتىندە وتكەن بريفينگتە قازاقستاندىق بالالار اراسىندا تانىمالدىلىققا يە بولىپ كەلە جاتقان «Squid Game» (كالمار ويىنى) سەريالىنىڭ بالا پسيحيكاسىنىڭ قاۋىپتىلىگىنە قاتىستى تۇسىنىكتەمە بەردى، دەپ حابارلايدى "ادىرنا" ءتىلشىسى.

بالالاردىڭ اراسىندا "كالمار ويىنىنىڭ" تانىمالدىعى ۇلكەن الاڭداۋشىلىق تۋعىزادى، دەيدى باق وكىلدەرى. وسىعان بايلانىستى ولار بۇل سەريالدىڭ بالا پسيحيكاسىنا قاۋىپتى ەكەندىگى تۋرالى تۇسىنىكتەمە بەرۋدى سۇرادى.

شولپان كارينوۆا بۇل سەريالدىڭ قازاقستاندىق وندىرىستەن ەمەس ەكەنىن جانە ونىڭ بەلگىلى ءبىر شەكتەۋلەرى بار ەكەنىن، ياعني ونىڭ 18 جاستان اسقان ەرەسەكتەرگە ارنالعانىن ايتتى.

"بۇل فاكتكە ءبىرىنشى كەزەكتە اتا-انالار نازار اۋدارۋى كەرەك. ەكىنشىدەن، اتا-انا دا، مەكتەپ تە وقۋ ءىس -ارەكەتى شەڭبەرىندە بالالاردىڭ بويىندا پايدالى اقپاراتتى تەرىسىنەن اجىراتۋ داعدىسىن قالىپتاستىرۋى ءتيىس، مەكتەپتەردە وسى ماسەلەگە نازار اۋدارۋ قاجەت. ارينە، بالانىڭ پسيحيكاسى ەندى عانا قالىپتاسىپ جاتىر، سوندىقتان كەز كەلگەن اقپاراتتى مەكتەپتە دە، ۇيدە دە اتا -انالار باقىلاپ وتىرۋى كەرەك", - دەدى ول.

ول وسى جىلدان باستاپ بارلىق ءبىلىم بەرۋ ۇيىمدارىندا بالالاردىڭ سىني ويلاۋىن، ەموتسيونالدى ينتەللەكتىن دامىتۋعا، اقپاراتتى اجىراتۋعا جانە تاڭداۋعا، سونىمەن قاتار دۇرىس اقپاراتتى تاڭداۋعا ارنالعان الەمدىك قۇزىرەتتىلىكتى تاڭداۋ كۋرسى ەنگىزىلەتىنىن ايتتى.

بۇل كۋرس وسى وقۋ جىلىندا جۇزەگە اسادى. سونىمەن قاتار، ءبىلىم بەرۋ فۋنكتسياسى اياسىندا مەكتەپتەر بۇل سەريالداردىڭ شەكتەۋلەرىنە ناقتى نازار اۋدارۋ كەرەكتىگىن ەستە ۇستاۋى كەرەك »، - دەپ تۇيىندەدى كارينوۆا.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket