Bılım jäne ǧylym vise-ministrı Şolpan Karinova Ortalyq kommunikasiialar qyzmetınde ötken brifingte qazaqstandyq balalar arasynda tanymaldylyqqa ie bolyp kele jatqan «Squid Game» (Kalmar oiyny) serialynyŋ bala psihikasynyŋ qauıptılıgıne qatysty tüsınıkteme berdı, dep habarlaidy "Adyrna" tılşısı.
Balalardyŋ arasynda "Kalmar oiynynyŋ" tanymaldyǧy ülken alaŋdauşylyq tuǧyzady, deidı BAQ ökılderı. Osyǧan bailanysty olar būl serialdyŋ bala psihikasyna qauıptı ekendıgı turaly tüsınıkteme berudı sūrady.
Şolpan Karinova būl serialdyŋ qazaqstandyq öndırısten emes ekenın jäne onyŋ belgılı bır şekteulerı bar ekenın, iaǧni onyŋ 18 jastan asqan eresekterge arnalǧanyn aitty.
"Būl faktke bırınşı kezekte ata-analar nazar audaruy kerek. Ekınşıden, ata-ana da, mektep te oqu ıs -äreketı şeŋberınde balalardyŋ boiynda paidaly aqparatty terısınen ajyratu daǧdysyn qalyptastyruy tiıs, mektepterde osy mäselege nazar audaru qajet. Ärine, balanyŋ psihikasy endı ǧana qalyptasyp jatyr, sondyqtan kez kelgen aqparatty mektepte de, üide de ata -analar baqylap otyruy kerek", - dedı ol.Ol osy jyldan bastap barlyq bılım beru ūiymdarynda balalardyŋ syni oilauyn, emosionaldy intellektın damytuǧa, aqparatty ajyratuǧa jäne taŋdauǧa, sonymen qatar dūrys aqparatty taŋdauǧa arnalǧan älemdık qūzyrettılıktı taŋdau kursy engızıletının aitty.
Būl kurs osy oqu jylynda jüzege asady. Sonymen qatar, bılım beru funksiiasy aiasynda mektepter būl serialdardyŋ şekteulerıne naqty nazar audaru kerektıgın este ūstauy kerek », - dep tüiındedı Karinova.
"Adyrna" ūlttyq portaly
Ūqsas jaŋalyqtar
