قۇرمانعازى اتىنداعى قازاق ۇلتتىق كونسەرۆاتورياسىنىڭ قۇرمەتتى پروفەسسورى باقىت تۇياقباەۆا كوروناۆيرۋسقا قارسى ۆاكتسينادان كەيىن قولدارى مەن اياقتارىنىڭ جانسىزدانعانىن سەزگەن. سونىڭ سالدارىنان مەرتىگىپ، جامباس سۇيەگىن سىندىرىپ العان. بۇل تۋرالى ونىڭ ۇلى ولجاس تۇياقباەۆ ايتتى، - دەپ حابارلايدى "ادىرنا" ۇلتتىق پورتالى دەرەككوزگە سىلتەپ.
باقىت تۇياقباەۆا 77 جاستا. ول قۇرمانعازى اتىنداعى كونسەرۆاتوريانىڭ پروفەسسورى جانە جۇزدەگەن ستۋدەنتتەردى، ونىڭ ىشىندە تانىمال ديريجەرلەرگە ءبىلىم بەرگەن ۇستاز. ۇلى ولجاس اناسىنىڭ قازاقستاندىق QazVac ۆاكتسيناسىن العانىن ايتتى. ول ءبىرىنشى كومپونەنتتى 5 مامىردا كلينيكادا قابىلدادى.
«دارىگەرلەر بىزگە تاڭداۋ بەردى، ال ءبىز ۆاكتسينانىڭ قازاقستاندىق نۇسقاسىن تاڭدادىق. مەن اناممەن بىرگە كلينيكاعا باردىم، جەكە ءوتىنىش تولتىردىم. باستاپقى جارتى ساعات ءبارى ويداعىداي بولعان. دەنە تەمپەراتۋراسى مەن اللەرگيالىق بەلگىلەر بايقالمادى. الايدا، ءبىراز ۋاقىتتان سوڭ انامنىڭ اياق-قولدارى جانسىزدانا باستادى. ءتىپتى 10 مامىرعا دەيىن ءبىزدىڭ قاداعالاۋىمىزدا ۇيدە جاتتى. بىراق ول بەس مينۋتقا عانا قاراۋسىز قالعان كەزدە قۇلاپ ءتۇستى: اياعىنا سۇيەنە المادى»، دەيدى ولجاس تۇياقباەۆ.
ولجاستىڭ ايتۋىنشا، قۇلاۋ ناتيجەسىندە باقىت تۇياقباەۆ جامباس سۇيەگىن سىندىرعان. وعان №4 قالالىق كلينيكالىق اۋرۋحانادا وتا جاسالعان، تۋىستارى بۇل جاعداي ۆاكتسيناتسيانىڭ كەسىرىنەن ەكەنىنە سەنىمدى.
«وندىرۋشىلەر ۆاكتسينا الۋشىلارعا جاس شەكتەۋلەرى جوق ەكەنىن مالىمدەدى، سوندىقتان ءبىز قازاقستاندىق ۆاكتسينانى سالۋعا شەشىم قابىلدادىق. ءوندىرۋشى سيپاتتاعان بەلگىلەر، اتاپ ايتقاندا بەزگەگى، قالتىراۋ، اللەرگيا بەلگىلەرى ءبىزدىڭ جاعدايىمىزدا بولعان جوق. بىراق ۆاكتسينا اياق-قولدارىنا كەسىرىن تيگىزدى»، دەيدى ۇلى.
QazVac ۆاكتسيناسىن ازىرلەۋدى ءبىلىم جانە عىلىم مينيسترلىگىنىڭ بيولوگيالىق قاۋىپسىزدىك ماسەلەلەرى جونىندەگى قازاقستان عىلىمي-زەرتتەۋ ينستيتۋتى (عزي پبب) جۇزەگە اسىردى. ولجاستىڭ وتىنىشىنە جاۋاپ رەتىندە، ازىرلەۋشىلەر 50 جاستان اسقان كوپتەگەن ادامداردا كلينيكالىق سىناقتاردىڭ بولعانىن، بىراق مۇنداي جاناما اسەرلەر ەشكىمدە بايقالماعانىن حابارلادى. ۆاكتسينا سالعان دارىگەرلەرگە اۋرۋ جاعدايى مەن وقيعاسىن جازىپ، بارلىق اسقىنۋ كەزەڭىندەگى كلينيكالىق جاعدايدى حاتتامامەن راسىمدەۋ كەرەك، دەپ تولىقتىردى ينستيتۋت.
الماتى قالالىق قوعامدىق دەنساۋلىق ساقتاۋ دەپارتامەنتى بۇل وقيعاعا قاتىستى تۇسىنىكتەمە بەردى.
«ءيا، ول 5-ءشى كۇنى QazVac ۆاكتسيناسىن قابىلدادى. 6 مامىردا وعان ەمحانادان دارىگەر بارىپ تەكسەرۋدەن ءوتتى. ناۋقاس دارىگەرگە ەسىكتى ءوزى اشتى. دەنساۋلىق جاعدايىندا وزگەرىس جاس ەرەكشەلىگىنە بايلانىستى ورىن الدى. دەگەنمەن ول ۆاكتسينا العاننان كەيىن قوزعالۋ قابىلەتىن جوعالتتى. قازىر ونىڭ وپەراتسيادان كەيىنگى جاعدايى تۇراقتى»، دەپ حابارلادى دەپارتامەنت.
تۇياقباەۆا باقىت جۇماعاليقىزى - قۇرمانعازى اتىنداعى قۇك-ءنىڭ قۇرمەتتى پروفەسسورى، قازاقستاننىڭ ءبىلىم بەرۋ ءىسىنىڭ ۇزدىگى، اۋليە سوفيا وردەنىنىڭ كاۆالەرى جانە ونىڭ قىزدارى ۆەرا، نادەجدا جانە ليۋبوۆ، الماتىداعى چايكوۆسكي اتىنداعى مۋزىكا كوللەدجىنىڭ حور ديريجەرلىق ءبولىمىنىڭ وقىتۋشىسى.
ەسكە سالا كەتەيىك، جەلتوقسان ايىندا قازاقستاندا QazVac ۆاكتسيناسىنىڭ كلينيكالىق سىناقتارىنىڭ سوڭعى، 3-كەزەڭى باستالدى. زەرتتەۋگە الماتى مەن تارازدان 3000 ەرىكتى قاتىسقان بولاتىن.
"ادىرنا" ۇلتتىق پورتالى
