قىتايدا سوڭى ولىممەن اياقتالاتىن مەنكەس اۋرۋىمەن اۋىراتىن بالاسىنا اكەسى ءدارى جاساپ بەرىپ، امان الىپ قالعان دەپ حابارلايدى "ادىرنا" ۇلتتىق پورتالى "South China Morning Post" باسىلىمىنا سىلتەمە جاساپ.
بۇل ولىمگە اكەلەتىن اۋرۋ ءوسۋدىڭ تەجەلۋىن، جۇيكە جۇيەسىنىڭ اۋىتقۋلارىن جانە شاشتىڭ بۇيرالاۋىن تۋدىرادى، وسىعان بايلانىستى مەنكەس اۋرۋىن "بۇيرا شاش اۋرۋى" دەپ تە اتايدى. مۇنداي پاتولوگيالار ادام اعزاسىنداعى مىستىڭ جاسۋشالىق تاسىمالىنىڭ بۇزىلۋىنا بايلانىستى پايدا بولادى - بۇل اۋرۋمەن اۋىراتىن بالالار بىرنەشە جىلدان ارتىق ءومىر سۇرمەيدى.
ء"بىز ونى باياۋ دامىعاندىقتان دارىگەرگە اپاردىق. ول تولىق گەنەتيكالىق تەكسەرۋدەن ءوتۋ ءۇشىن سىناما الدى جانە وڭ ناتيجە بەردى. مەن ءوزىمدى قاتتى كۇيزەلگەندەي سەزىندىم، بىراق باس تارتا المادىم. ءوز بالاڭىزدان قالاي باس تارتۋعا بولادى؟ " - دەدى بالانىڭ اكەسى سيۋي ۆەي.
30 جاستاعى ەر ادام بالاسىندا اۋرۋدىڭ بار ەكەنىن ءبىلىپ، الدىمەن ونى ەمدەۋگە ارنالعان بارلىق شەشىمدەردى تابۋعا تىرىستى، بىراق بالاما تابا الماي، ەكسپەريمەنتتىك پرەپاراتتى – مىس گيستيدين قىشقىلىن سينتەزدەگەن.
ول ورتا ءبىلىمى بار قىتايلىق ۋنيۆەرسيتەتتىڭ قوعامدىق كۋرستارىنا جازىلىپ، سول ارقىلى فارماتسەۆتيكالىق پرەپاراتتاردى شىعارۋدى جانە ساپانى باقىلاۋدى قامتاماسىز ەتۋدى ۇيرەنگەن. ول جاساعان پرەپاراتتىڭ ونەركاسىپتىك ءوندىرىسىنىڭ جوعارى كۇردەلىلىگى مەن قىمبات بولۋىنا بايلانىستى ونى ۇيدە جاساۋ تۋرالى شەشىم قابىلداپتى.
الدىمەن ول ءدارىنى ەگەۋقۇيرىقتارعا، سودان كەيىن وزىنە سىناپ كورگەن، سودان كەيىن عانا ۇلىنا بەرىپتى. ساراپتاما كورسەتكەندەي، ءدارى ۇلىنىڭ ساۋىعۋىنا كومەكتەسكەن. وسىلايشا ول ۇلىن امان قالدى، بىراق ول سويلەي المايدى.
"ادىرنا" ۇلتتىق پورتالى.
