Qytaıda sońy ólimmen aıaqtalatyn menkes aýrýymen aýyratyn balasyna ákesi dári jasap berip, aman alyp qalǵan dep habarlaıdy "Adyrna" ulttyq portaly "South China Morning Post" basylymyna silteme jasap.
Bul ólimge ákeletin aýrý ósýdiń tejelýin, júıke júıesiniń aýytqýlaryn jáne shashtyń buıralaýyn týdyrady, osyǵan baılanysty Menkes aýrýyn "buıra shash aýrýy" dep te ataıdy. Mundaı patologııalar adam aǵzasyndaǵy mystyń jasýshalyq tasymalynyń buzylýyna baılanysty paıda bolady - bul aýrýmen aýyratyn balalar birneshe jyldan artyq ómir súrmeıdi.
"Biz ony baıaý damyǵandyqtan dárigerge apardyq. Ol tolyq genetıkalyq tekserýden ótý úshin synama aldy jáne oń nátıje berdi. Men ózimdi qatty kúızelgendeı sezindim, biraq bas tarta almadym. Óz balańyzdan qalaı bas tartýǵa bolady? " - dedi balanyń ákesi Sıýı Veı.
30 jastaǵy er adam balasynda aýrýdyń bar ekenin bilip, aldymen ony emdeýge arnalǵan barlyq sheshimderdi tabýǵa tyrysty, biraq balama taba almaı, eksperımenttik preparatty – mys gıstıdın qyshqylyn sıntezdegen.
Ol orta bilimi bar qytaılyq ýnıversıtettiń qoǵamdyq kýrstaryna jazylyp, sol arqyly farmaevtıkalyq preparattardy shyǵarýdy jáne sapany baqylaýdy qamtamasyz etýdi úırengen. Ol jasaǵan preparattyń ónerkásiptik óndirisiniń joǵary kúrdeliligi men qymbat bolýyna baılanysty ony úıde jasaý týraly sheshim qabyldapty.
Aldymen ol dárini egeýquıryqtarǵa, sodan keıin ózine synap kórgen, sodan keıin ǵana ulyna beripti. Saraptama kórsetkendeı, dári ulynyń saýyǵýyna kómektesken. Osylaısha ol ulyn aman qaldy, biraq ol sóıleı almaıdy.
"Adyrna" ulttyq portaly.
