اۋعانستانعا گۋمانيتارلىق كومەك كورسەتۋ ەلدەگى گۋمانيتارلىق اپاتتىڭ، سونداي-اق باسقا مەملەكەتتەرگە بوسقىنداردىڭ اعىلۋىن توقتاتۋ ءۇشىن قاجەت. بۇل مالىمدەمەنى G20 سامميتىندە يتاليا ەلىنىڭ وكىلدەرى جاسادى.
"گۋمانيتارلىق كومەك گۋمانيتارلىق اپاتتى بولدىرماۋ ءۇشىن قاجەت، ناتيجەسىندە اۋعانستاننان ايماق ەلدەرى مەن ودان تىس جەرلەرگە ميگرانتتاردىڭ باقىلاۋسىز اعىمى توقتايدى. ەگەر ولاي ەتپەسەك، ورتالىق ازيا مەن تاياۋ شىعىستى بوسقىندار لەگى باسادى", - دەدى سامميتكە قاتىسۋشى يتاليا وكىلدەرى.
G20 ەلدەرىنىڭ باسشىلارى اتاپ وتكەندەي، گۋمانيتارلىق كومەك كورسەتۋ اسىرەسە اۋعان حالقىنىڭ وسال توپتارى ءۇشىن ماڭىزدى. ايەلدەر مەن بالالار كومەككە مۇقتاج. بۇل ماسەلە بۇۇ، شىۇ، اوسشك جانە باسقا دا ءىرى حالىقارالىق پلاتفورمالاردا عانا ەمەس، ەلدەر اراسىنداعى ەكىجاقتى كەلىسسوزدەردە دە ءجيى كوتەرىلەدى.
مىسالى، وزبەكستان ءۇندىستان، پاكىستان، يران، قىتاي، گەرمانيا جانە باسقا مەملەكەتتەرمەن اۋعان تاقىرىبىن بەلسەندى تۇردە تالقىلاپ جاتىر. بۇعان دەيىن وزبەكستان باسشىسى شاۆكات ميرزيوەۆ وزبەك-اۋعان شەكاراسىنداعى جاعدايدى كۇن سايىن باقىلاۋدا ۇستايتىنىن ايتقان بولاتىن. اۋعانستانداعى جاعدايعا تاجىكستان مەن تۇركىمەنستان دا الاڭداۋلى.
"ادىرنا" ۇلتتىق پورتالى
