G20: Aýǵanstandy qutqarmasa, Ortalyq Azııany bosqyndar basady

995

Aýǵanstanǵa gýmanıtarlyq kómek kórsetý eldegi gýmanıtarlyq apattyń, sondaı-aq basqa memleketterge bosqyndardyń aǵylýyn toqtatý úshin qajet.  Bul málimdemeni G20 sammıtinde Italııa eliniń ókilderi jasady.

"Gýmanıtarlyq kómek gýmanıtarlyq apatty boldyrmaý úshin qajet, nátıjesinde Aýǵanstannan aımaq elderi men odan tys jerlerge mıgranttardyń baqylaýsyz aǵymy toqtaıdy. Eger olaı etpesek, ORtalyq Azııa men Taıaý Shyǵysty bosqyndar legi basady", - dedi sammıtke qatysýshy Italııa ókilderi.

G20 elderiniń basshylary atap ótkendeı, gýmanıtarlyq kómek kórsetý ásirese aýǵan halqynyń osal toptary úshin mańyzdy. Áıelder men balalar kómekke muqtaj. Bul másele BUU, ShYU, AÓSShK jáne basqa da iri halyqaralyq platformalarda ǵana emes, elder arasyndaǵy ekijaqty kelissózderde de jıi kóteriledi.

Mysaly, Ózbekstan Úndistan, Pákistan, Iran, Qytaı, Germanııa jáne basqa memlekettermen aýǵan taqyrybyn belsendi túrde talqylap jatyr. Buǵan deıin Ózbekstan basshysy Shavkat Mırzııoev ózbek-aýǵan shekarasyndaǵy jaǵdaıdy kún saıyn baqylaýda ustaıtynyn aıtqan bolatyn. Aýǵanstandaǵy jaǵdaıǵa Tájikstan men Túrkimenstan da alańdaýly.

"Adyrna" ulttyq portaly

Pikirler
Redakııa tańdaýy