تۇرمەدە 2 جىل بويى جازىقسىز وتىرعان اقتوبەلىككە بيۋدجەتتەن 28 ميلليون تەڭگە تولەنەدى، دەپ حابارلايدى «ادىرنا» ءتىلشىسى «دياپازون» باسىلىمىنا سىلتەمە جاساپ.
2018 جىلى كومپانيا فيليالىنىڭ باسشىسى قارا مەتالل سىنىقتارىن جيناپ، 16 ميلليون تەڭگە ۇرلادى دەپ ايىپتالعان بولاتىن. سوت كۇدىكتىنى 7 جىلعا باس بوستاندىعىنان ايىردى.
بىرنەشە جىلدان كەيىن جوعارعى سوت قىلمىستىق ءىستى قايتا قاراپ، ءبىرىنشى ساتىداعى سوت ءىستى جۇرگىزۋ كەزىندە ايىپتالۋشىنىڭ قۇقىقتارىن بۇزدى دەگەن قورىتىندىعا كەلدى.
اقتالعان ازامات سوت ارقىلى مەملەكەتتەن وعان كەلتىرىلگەن مورالدىق جانە ماتەريالدىق زالالدى وتەۋدى سۇراپ، 90 ميلليون تەڭگە تالاپ ەتتى. سونداي-اق ول ءوزىنىڭ كىناسىزدىگىن دالەلدەۋ ءۇشىن ادۆوكاتتارعا 3,5 ميلليون تەڭگە جۇمساعان.
ازاماتتىڭ تالابى ءىشىنارا ورىندالدى. الداعى ۋاقىتتا وعان بيۋدجەتتەن 28 ميلليون تەڭگە تولەنەتىن بولادى.
«ادىرنا» ۇلتتىق پورتالى
