الماتىدا سمارت تەحنولوگيالار مۇمكىندىكتەرىنەن شابىت العان زاماناۋي قازاقستاندىق سۋرەتشىلەردىڭ كورمەسى اشىلدى. 7-10 قازان ارالىعىندا «دوم 36» عيماراتىندا مۇرات ءدىلمانوۆ، بوريس كليموۆ پەن REPAS ستريت-ارت سۋرەتشىلەرىنىڭ شەبەرحاناسىنىڭ ارت تۋىندىلارى ۇسىنىلادى. الماتى تۇرعىندارى مەن قوناقتارىنا مۇنداي تارتۋدى Huawei Mobile Kazakhstan ۇيىمداستىردى.
«قازىرگى سۋرەتشىلەر اقىلدى قۇرىلعىلاردىڭ كومەگىمەن كلاسسيكالىق شىعارماشىلىق ادىستەر مەن سوڭعى تەحنولوگيالار توعىستىرىپ، ونەر تۋىندىلارىن جاسايدى. بۇگىندە پلانشەتتەر سۋرەتشىلەر ءۇشىن مولبەرتتەردى الماستىردى. ال قىلقالاممەن ەمەس، ستيليۋس قالامىمەن جاسالعان تۋىندىلار بۇكىل الەمگە تانىمال بولا باستادى. كورمەنىڭ ماقساتى – سۋرەت ونەرىنىڭ مايتالماندارىنىڭ قولىنداعى Matepad11 پلانشەتىنىڭ شەكسىز مۇمكىندىكتەرىن كورسەتۋ. تانىمال سۋرەتشىلەر ءبىر ايعا جۋىق ۋاقىت بويى Huawei قۇرىلعىلارىندا جۇمىس جاسادى. بۇل ىنتىماقتاستىق قازىرگى زاماناۋي ونەردى تانىستىرۋ ءۇشىن وتە ماڭىزدى»، - دەيدى قازاقستان مەن ورتالىق ازياداعى Huawei Device ديرەكتورى فان دجينيونگ.
Art of the new Technologies جوباسىندا مۇرات ءدىلمانوۆتىڭ «اباي» ينستاللياتسياسى، بوريس كليموۆتىڭ «دالي» ءمۇسىنى جانە رەپاس سۋرەتشىلەرىنىڭ ستريت-ارت كەسكىندەمەسى ۇسىنىلدى.
«اباي ينستاللياتسياسى. قازاق ءۇشىن اباي - دانالىقتىڭ نىشانى. بىراق مەن كەز كەلگەن ادامنىڭ بەينەسىن قاعازعا تۇسىرۋگە قارسىمىن. قانداي جان بولماسىن ول ەڭ الدىمەن ادام بالاسى. مەن ءوز جۇمىسىمدا ۇرپاقتار اراسىنداعى بايلانىستى بەينەلەگىم كەلدى. ۇلى اباي ءوزىنىڭ زامانداستارىنا ءوزىنىڭ ءبىلىمى مەن دانالىعىن قولدانا وتىرىپ، ءبىزدىڭ اتا-بابالارىمىز سەكىلدى جاقسى ادام بولىپ، دامىپ، جەتىلۋگە كەش ەمەس ەكەنىن جەتكىزە ءبىلدى. جوبا وتە قىزىقتى. ماعان تاعى بيزنەستىڭ جەرگىلىكتى كونتەنتكە بەت بۇرعان ۇنايدى»، - دەيدى تانىمال سۋرەتشى، يلليۋستراتور، كاريكاتۋريست مۇرات ءدىلمانوۆ.
MatePad 11 پلانشەتىمەن بىرگە Huawei جاڭا M-Pencil-ءدى ۇسىندى. بۇل قالام وتە تومەن كىدىرىستىڭ ارقاسىندا قولجازبا مەن سۋرەت دالدىگىن بەرەدى. ساۋلەتشى، ءمۇسىنشى، ديزاينەر، دەكوراتسيا جاساۋشى بوريس كليموۆ ءوزىنىڭ تۇجىرىمداماسىنىڭ نەگىزى رەتىندە سۋرەت سالۋدىڭ ەسكى تاسىلىنە جاڭا كوزقاراسپەن قارادى.
«مەن تاجىريبەمەن كەلگەن داعدىلارعا جاڭا كوزقاراسپەن قاراۋعا تىرىستىم. ەگەر شەبەر قولمەن جۇمىس جاساۋدى بىلسە، ونىڭ جاڭا جۇمىس ءادىسىن قولدانۋعا مۇمكىندىگى بار. ول سونىمەن قاتار تسيفرلىق الەمدە ءوزىڭىزدىڭ تۋىندىلارىڭىزدى «ساتۋعا» جاڭا مۇمكىندىكتەر بەرەدى. «دالي» بەينەسى وسى قاعيدالاردى ىسكە اسىردى. سۋرەتشى ءوزىنىڭ جارقىن برەندىمەن كورەرمەندەردى تاڭ قالدىردى. قازىرگى الەمدە ونىڭ الەۋمەتتىك جەلىلەردە تەڭدەسى بولماس ەدى. دالي وتە كەرەمەت سۋرەت سالدى، بىراق كەيىن ول ءوزىنىڭ ەرەكشە ءستيلىن تاپتى. ول بىرەگەيلىكتى قوسىپ، ونى الەم سۋرەتشىلەرىنىڭ اۆانگاردىنا يتەرمەلەدى. بۇل Huawei مەن ونىڭ Harmony OS وپەراتسيالىق جۇيەسىنىڭ قىزمەتىنە ۇقسايتىنداي»، - دەپ بوريس ءوز جۇمىسىن سيپاتتادى.
REPAS كومانداسى جاڭا Huawei MatePad 11 پلانشەتىندە «قابىرعانىڭ ءبىر بولىگى» تۋىندىسىن سالدى.
«قۇرىلعىنى كاسىبي قىزمەتتە پايدالانۋ دەگەنىمىز - جوبادا يلليۋستراتسيامەن جۇمىس جاساۋدى جانە ەسكيزدەردى ۆيزۋاليزاتسيالاۋدى بىلدىرەدى. Huawei MatePad 11 كومەگىمەن بۇل تەز، ءتيىمدى جانە كاسىبي تۇردە جاساۋعا كەرەمەت مۇمكىندىك. جاقسى كامەرانىڭ ارقاسىندا وبەكتىنىڭ جوعارى ساپالى فوتوسۋرەتتەرى قول جەتىمدى جانە باعدارلامالار تەك ەسكيزدەردى عانا ەمەس، سونىمەن قاتار تولىققاندى سۋرەتتەردى دە جاساۋعا جانە ولاردى وبەكتىگە ناقتى ورنالاستىرۋعا مۇمكىندىك بەرەدى. سەبەبى ءبىز تەك قابىرعاعا سۋرەت سالمايمىز. ءبىز پلانشەتتى ادەتتەگى جۇمىس كەزەڭىنە بىرىكتىرىپ، تۋىندىنى تەزىرەك ىسكە اسىرۋعا كۇش سالامىز»، - دەدى سۋرەتشىلەر.
MatePad 11 - بۇل Huawei ۇسىناتىن Harmony وپەراتسيالىق جۇيەسى بار ورتالىق ازيادا ساتىپ الۋعا بولاتىن العاشقى قۇرىلعى. ول Adreno 650 گرافيكاسى مەن 6 گب جەدەل جادى بار Qualcomm Snapdragon 865 سەگىز يادرولى پروتسەسسورمەن جابدىقتالعان. بۇل 120 گتس دەيىنگى جاڭارتۋ جىلدامدىعىمەن جۇمساق انيماتسيا مەن قۋاتتى از تۇتىناتىن ديناميكالىق بەينەنى ويناتۋعا ارنالعان ءبىرىنشى Huawei پلانشەتى.
Art of the new Technologies كورمەسى باريباەۆا كوشەسىندە ورنالاسقان «دوم 36» عيماراتىندا 8-10 قازان ارالىعىندا وتەدى. كەلەم دەۋشىلەرگە ەسىك اشىق.
«ادىرنا» ۇلتتىق پورتالى
