دۋبايدىڭ مۇراگەر حانزاداسى شەيح حامدان بەن مۇحاممەد ءال-ماكتۋم وزبەكستانعا قۇس اۋلاۋ ءۇشىن كەلدى. ناۆوي قالاسىندا قوناققا اڭشىلىق ساياحات ۇيىمداستىرىلدى. بۇل تۋرالى حانزادا ءوزىنىڭ Twitter -دەگى پاراقشاسىندا ايتتى، دەپ حابارلايدى “ادىرنا” ۇلتتىق پورتالى.
اڭ اۋلاۋ ناۋاي وبلىسىندا ۇيىمداستىرىلدى.
ناۋاي قالاسىنان 50 شاقىرىم جەردە دۋاداق ءوسىرۋ جانە ساقتاۋ ورتالىعى بار. پيتومنيك 2008 جىلى دۋباي ءامىرى مۇحاممەد يبن راشيد ال ماكتۋمنىڭ باستاماسىمەن قۇرىلدى. ورتالىق جۇمىس ىستەگەن جىلدار ىشىندە ورتالىق قىزمەتكەرلەرى 10 مىڭعا جۋىق دۋاداقتى تابيعاتقا جىبەردى.
وزبەكستاندا دۋاداق اۋلاۋ ماۋسىمى قىركۇيەك-قازان ايلارىندا وتەدى.
پاتشا اۋلەتى وزبەكستانعا ءجيى اڭشىلىققا شىعادى. ولار وزبەكستاندا سوڭعى رەت 2020 جىلدىڭ قازان ايىندا بولعان.
“ادىرنا” ۇلتتىق پورتالى