اۋىلدىق مەكتەپتەر – باستى نازاردا

1669
Adyrna.kz Telegram

قازاقستان رەسپۋبليكاسى ءبىلىم جانە عىلىم ءمينيسترى اسحات ايماعامبەتوۆ قوستاناي اۋدانىنىڭ ميچۋرين جالپى ءبىلىم بەرەتىن مەكتەبىنە بارىپ قايتتى.

ىبىراي التىنسارين قازاق اعارتۋشىلىعى مەن ۇلتتىق مەكتەپتىڭ قالىپتاسۋ تاريحىندا تەرەڭ ءىز قالدىرعان. 

قازاقستان رەسپۋبليكاسى ءبىلىم جانە عىلىم ءمينيسترى اسحات ايماعامبەتوۆ، قوستاناي وبلىسىنىڭ اكىمى ارحيمەد مۇحامبەتوۆ جانە بۇكىل رەسپۋبليكا وبلىستارىنىڭ ءبىلىم باسقارمالارىنىڭ باسشىلارى قوستاناي جەرىنىڭ ۇلى پەرزەنتىنىڭ ەسكەرتكىشىنە گۇل شوقتارىن قويدى.

بۇدان كەيىن مينيستر قوستاناي اۋدانىنىڭ ميچۋرين اۋىلدىق مەكتەبىنە بارىپ، ساباقتارعا قاتىسىپ، وقۋشىلار مەن پەداگوگتەرمەن سۇحباتتاستى.

ساپار بارىسىندا اسحات ايماعامبەتوۆ قاۋىپسىز جانە ساپالى ءبىلىم بەرۋ ورتاسىن قۇرۋ ماڭىزدىلىعىن اتاپ ءوتتى. ميچۋرين مەكتەبىندە بەينەباقىلاۋ جۇيەسى، تۋرنيكەت جانە دابىل تۇيمەسى بار.

پەداگوگتەر مەملەكەتتىڭ اۋىلدىق مەكتەپتەرى ءۇشىن كوپتەگەن ءىس تىندىرىلعانىن ايتتى. مىسالى، ميچۋرين مەكتەبىندە سوڭعى ەكى جىلدا كومپيۋتەرلىك پارك جاڭارتىلدى، شەبەرحانالارعا جاڭا جابدىقتار جەتكىزىلدى، مەكتەپ كىتاپحاناسى، سپورت جابدىقتارى جاڭارتىلدى. 

اعىمداعى جىلى وبلىستا جالپى سوماسى 5 ملرد. تەڭگەگە 82 اۋىلدىق مەكتەبى جاڭعىرتىلدى، 2025 جىلعا دەيىن تاعى 325 مەكتەپ جاڭعىرتىلاتىن بولادى.

پىكىرلەر