Aýyldyq mektepter – basty nazarda

1671
Adyrna.kz Telegram

Qazaqstan Respýblıkasy bilim jáne ǵylym mınıstri Ashat Aımaǵambetov Qostanaı aýdanynyń Mıchýrın jalpy bilim beretin mektebine baryp qaıtty.

Ybyraı Altynsarın qazaq aǵartýshylyǵy men ulttyq mekteptiń qalyptasý tarıhynda tereń iz qaldyrǵan. 

Qazaqstan Respýblıkasy bilim jáne ǵylym mınıstri Ashat Aımaǵambetov, Qostanaı oblysynyń ákimi Arhımed Muhambetov jáne búkil respýblıka oblystarynyń bilim basqarmalarynyń basshylary Qostanaı jeriniń uly perzentiniń eskertkishine gúl shoqtaryn qoıdy.

Budan keıin mınıstr Qostanaı aýdanynyń Mıchýrın aýyldyq mektebine baryp, sabaqtarǵa qatysyp, oqýshylar men pedagogtermen suhbattasty.

Sapar barysynda Ashat Aımaǵambetov qaýipsiz jáne sapaly bilim berý ortasyn qurý mańyzdylyǵyn atap ótti. Mıchýrın mektebinde beınebaqylaý júıesi, týrnıket jáne dabyl túımesi bar.

Pedagogter memlekettiń aýyldyq mektepteri úshin kóptegen is tyndyrylǵanyn aıtty. Mysaly, Mıchýrın mektebinde sońǵy eki jylda kompıýterlik park jańartyldy, sheberhanalarǵa jańa jabdyqtar jetkizildi, mektep kitaphanasy, sport jabdyqtary jańartyldy. 

Aǵymdaǵy jyly oblysta jalpy somasy 5 mlrd. teńgege 82 aýyldyq mektebi jańǵyrtyldy, 2025 jylǵa deıin taǵy 325 mektep jańǵyrtylatyn bolady.

Pikirler