شىمكەنت قالاسىنىڭ 4 اۋدان اكىمى ءباسپاسوز ورتالىعىندا قالامىزدا جۇرگىزىلىپ جاتقان موبيلدىك توپتاردىڭ جۇمىسىنا قاتىستى بريفينگ وتكىزدى. ولاردىڭ ايتۋىنشا، كارانتين ءتارتىبىن ورەسكەل بۇزاتىن ازاماتتار تىزىمىندە تويحانا يەلەرى كوش باستاپ تۇر. دەرتتىڭ دەندەپ، اۋرۋدىڭ اسقىنىپ بارا جاتقاندىعىنا دا، ءدال وسى توي-جيىنداردىڭ توقتاماۋى سەبەپ بولىپ تۇر. وسى تاقىرىپ اياسىندا جانە جاڭا قاۋلىعا سايكەس كارانتين تالاپتارىنا ەنگەن وزگەرىستەر جايىندا ارىپتەسىم ايتسىن.
اباي، ءال-فارابي، ەڭبەكشى جانە قاراتاۋ اۋداندارىنىڭ اكىمدەرى ءوز اۋداندارىندا جۇرگىزىلىپ جاتقان مونيتورينگتىك توپتىڭ جۇمىس ناتيجەسىمەن ءبولىستى. ءبىر عانا اباي اۋدانىندا جىل باسىنان بەرى 6578 نىسانعا تەكسەرۋ جۇرگىزىلىپ، 519 نىسانعا 29,4 ملن.تگ كولەمىندە ايىپپۇل سالىنعان.
بۇحارباي پارمانوۆ – اباي اۋدانىنىڭ اكىمى
ءال-فارابي اۋدانىندا دا ءدال سونداي 10 ءموبيلدى توپ جۇمىس ىستەيدى. اۋدان اۋماعىندا سوڭعى ءبىر ايدا كارانتين تالاپتارىن بۇزعان 172 كاسىپكەرلىك نىسان انىقتالىپ، 84-ىنە ايىپپۇل سالىنعان. ونىڭ ىشىندە ەرەجەنى ەلەمەي، وزگەلەر ءومىرىن قاۋىپكە تىگىپ، توي-جيىن وتكىزگەن تويحانا يەلەرى دە بار. سوڭعى كۇندەرى، ءدال سونداي ازاماتتارمەن قاتاڭ جۇمىس جاسالىپ جاتقاندىعىن ايتادى اۋدان اكىمى.
راشيد مىڭباەۆ - ءال-فارابي اۋدانىنىڭ اكىمى
مونيتورينگتىك جۇمىستار ەڭبەكشىدە دە ەكپىندى. موبيلدىك توپتار 28 ماۋسىم - 28 شىلدە ارالىعىندا 13 ءىرى ساۋدا ۇيلەرى مەن بازارلاردا، 3487 نىسانعا مونيتورينگ جۇمىستارى جۇرگىزىلىپ، كارانتين رەجيمىنىڭ بۇزىلعان 113 جاعداي انىقتالدى. ال، قاراتاۋدا كارانتين تالاپتارىن بۇزعان 115 كاسىپكەرلىك نىسان انىقتالىپ، 62 نىسانعا ايىپپۇل سالىنعان. ءتىپتى، بۇگىنگە دەيىن بىرنەشە رەت ەرەجەنى بۇزعان تويحانالارعا دا توسقاۋىل قويىلىپتى.
ابزال الىقۇلوۆ – قاراتاۋ اۋدانىنىڭ اكىمى
مونيتورنگتىك توپتاردىڭ ماقساتى – كوۆيد-19 ينفەكتسياسىنىڭ بەلەڭ الۋىنا جول بەرمەي، كارانتين تاداپتارىنىڭ ساقتالۋىن قاداعالاۋ- دەيدى اۋدان باسشىلارى. قازىرگى تاڭدا 4 اۋداندا 10 موبيلدىك توپ ۇزدىكسىز جۇمىس ىستەپ تۇر. ارنايى قىزمەتكەرلەردەن بولەك، ولارعا ۆولونتەرلار دا بەكىتىلگەن ەكەن.
