رەسەيلىك لدپر پارتياسىنىڭ جەتەكشىسى ۆلاديمير جيرينوۆسكي رەسەي پرەزيدەنتى لاۋازىمىنىڭ اتاۋىن وزگەرتۋ كەرەك دەپ سانايدى دەپ حابارلايدى "ادىرنا" ۇلتتىق پورتالى "zakon.kz-كە" سىلتەمە جاساپ.
ساياساتكەر «كومسومولسكايا پراۆدا» راديوسىنا بەرگەن سۇحباتىندا «پرەزيدەنت» ءسوزىنىڭ اعىلشىن تىلىنەن الىنعان ءسوز ەكەنىن ايتتى.
— رەسەيدىڭ جوعارعى بيلەۋشىسى! ماقتانىش، باتىلدىق، جاۋاپكەرشىلىك ەستىلەدى جانە ازاماتتارعا وپتيميستىك كوزقاراس قالىپتاستىرادى، — دەدى پارتيا جەتەكشىسى ۆلاديمير جيرينوۆسكي.
ول سونداي -اق اۋداندار باسشىلارىن گۋبەرناتور دەپ قايتا اتاۋ تۋرالى زاڭ جوباسىن قۇپتايتىنىن جانە بارلىق ادامداردى حان، سۇلتاندار مەن گەتماندارسىز بىردەي اتاۋعا بولاتىنىن باسا ايتتى.
بۇعان دەيىن جيرينوۆسكي التىن وردا ءادىسىن قولدانا وتىرىپ، ايماق باسشىلارىن تاعايىنداۋدى، ياعني سايلاۋدان باس تارتۋدى جانە ەلگە «بيلىك بەلگىسىنىڭ» انالوگىن ەنگىزۋدى ۇسىنعان بولاتىن.
وسىلايشا ول گۋبەرناتورلاردىڭ ەكى رەت مەرزىمنەن ارتىق سايلانۋىنا تىيىم سالۋدى الىپ تاستاۋ تۋرالى زاڭ جوباسىنا قاتىستى پىكىر بىلدىرگەن ەدى.
"ادىرنا" ۇلتتىق پورتالى.
