2006 جىلى ولتىرىلگەن پوليتسيا قىزمەتكەرى اسەت بەيسەنوۆتىڭ اتا-اناسى قر باس پروكۋرورىنان ارون اتابەكتى بوساتپاۋدى سۇرادى. مارقۇم اسەت بەيسەنوۆتىڭ اتا-اناسى ا.اتابەكتىڭ "ساياسي كوزقاراستارى" ولاردىڭ كوزقاراسىن وزگەرتە الماتىنىن نەمەسە ونى ادام ءولتىرۋشى رەتىندە اقتاي المايتىنىن جازعان. وسىنداي ماتىندەگى حاتتار قازىر الەۋمەتتىك جەلىلەرگە تاراپ ۇلگەرگەن دەپ حابارلايدى "ادىرنا" ۇلتتىق پورتالى "informburo.kz-كە" سىلتەمە جاساپ.
«ءولىم الدىندا ادىلدىككە دەگەن سەنىمىمىزدى جوعالتپاڭىز، جالعىز ۇلىمىزدى ولتىرگەنى ءۇشىن بىرەۋدىڭ جازالانعانىن ءبىلىپ، بەيبىت ءومىر سۇرەيىك»، - دەلىنگەن حاتتا.
ايتا كەتۋ كەرەك، بيىل 1 قازاندا الماتى قالاسىنىڭ شاڭىراق ىقشام اۋدانىندا ءتارتىپ ساقشىسىنىڭ ءولىمى مەن تارتىپسىزدىكتەر بويىنشا سوتتالعان اقىن ارون ەدىگەەۆ (اتابەك) دەنساۋلىعىنا بايلانىستى تۇرمەدەن بوساتىلدى. ول 18 جىلعا باس بوستاندىعىنان ايىرىلدى، بىراق ناۋقاستانۋىنا بايلانىستى قالعان مەرزىم پروباتسيالىق باقىلاۋ ورناتۋمەن جانە مىندەتتەر جۇكتەلە وتىرىپ، ءبىر جىل مەرزىمگە باس بوستاندىعىن شەكتەۋگە اۋىستىرىلدى. جالپى العاندا، اتابەك 16 جىلعا جۋىق ۋاقىتتى تۇرمەدە وتكىزدى.
2006 جىلدىڭ شىلدەسىندە الماتىنىڭ شەتىندەگى شاڭىراق اۋىلىنىڭ تۇرعىندارى ۇيلەرىن بۇزۋعا پوليتسيا كۇشتەرىن جىبەرگەن بيلىككە قارسىلىق كورسەتتى. بيلىك بۇل ۇيلەردى جەكە مەنشىككە سالىنعان جەرگە زاڭسىز سالىنعان قۇرىلىس دەپ سانادى. قارسىلىق ناتيجەسىندە 24 جاستاعى پوليتسەي اسەت بەيسەنوۆكە بەنزين قۇيىپ، ورتەپ جىبەردى. پوليتسەي العان جاراقاتىنان 12 كۇننەن كەيىن قايتىس بولدى. ول قايتىس بولعاننان كەيىن II دارەجەلى "ايبىن" وردەنىمەن ماراپاتتالدى.
پوليتسەيدىڭ ولىمىنە بىرنەشە تۇرعىندار مەن سول كۇنى "شاڭىراقتا" بولعان اقىن مەن ديسسيدەنت ارون اتابەك ايىپتالدى.
"ادىرنا" ۇلتتىق پورتالى.
