ديسسيدەنت، اقىن ارون اتابەك بوستاندىققا شىقتى. بۇل تۋرالى "ازاتتىق راديوسىنا" سىلتەمە جاساپ، "ادىرنا" ۇلتتىق پورتالى حابارلايدى.
1 قازاندا پاۆلودار قالالىق №2 سوتى ارون اتابەكتىڭ جازاسىن دەنساۋلىعىنا بايلانىستى جەڭىلدەتۋ جونىندە ءوتىنىشتى قاراپ ورىنداعان. سوت اقپاراتىنا قاراعاندا، دارىگەرلەر ارون اتابەكتىڭ داۋاسى جوق سىرقاتقا (ومىرتقاارالىق ديسكىسىنىڭ زاقىمدالۋى) ۇشىراعانىن انىقتاعان.
"زاڭدا باياندالعان ءمان-جايلار مەن پروتسەسسكە قاتىسۋشىلاردىڭ پىكىرىن ەسكەرىپ، سوتتالعان تۇلعاعا بوستاندىعىن شەكتەۋ جازاسى 1 جىل مەرزىمىنە پروباتسيالىق باقىلاۋ ورناتۋ مەن مىندەتتەردى جۇكتەۋىنە اۋىستىرىلدى. سوت شەشىمىمەن كەلىسپەگەن جاعدايدا سوتتالعان تۇلعا جانە پروتسەستىڭ باسقا قاتىسۋشىلارى اپەللياتسيالىق سوت ساتىسىنا شاعىم تۇسىرۋىنە قۇقىعى بار" دەلىنگەن سوت حابارلاماسىندا.
"ادىرنا" ۇلتتىق پورتالى
