اقتوبەدە پاتەردەن جوعالعان ايەلدىڭ ءمايىتى تابىلدى، دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.
قىركۇيەك ايىنىڭ باسىندا اقتوبە قالاسى پوليتسيا بولىمىنە ەر ادام ارىزداندى. ونىڭ ايتۋىنشا، اعىمداعى جىلدىڭ تامىز ايىنىڭ سوڭىندا قارعالى اۋىلىندا قايىن ەنەسى ۇيىنەن شىعىپ كەتىپ، قايتىپ ورالماعان. وسىعان وراي، ادامنىڭ جوعالۋ فاكتىسى بويىنشا قىلمىستىق ءىس تىركەلىپ، جەدەل-ىزدەستىرۋ جۇرگىزىلدى. جەدەل-ىزدەستىرۋ ءىس-شارالارىن جۇرگىزۋ بارىسىندا ايەلدىڭ سپيرتتىك ىشىمدىكتەردى تۇتىناتىنى جانە ۇيدەن ءجيى كەتەتىنى انىقتالدى. جەدەل ۋاكىل ايەلدىڭ بولۋ ىقتيمال تۇرعىي ءۇي ماسسيۆىندەگى پاتەرلەرىنىڭ بىرىنە كەلگەن كەزدە زورلىق-زومبىلىق بەلگىلەرى بار ءمايىتىن تاپتى.
– پوليتسيا قىزمەتكەرلەرى پاتەرلەردى ارالاۋ بارىسىندا كۇدىكتىنىڭ پاتەردە جالعىز تۇراتىنى جانە تۇرعىندارمەن قاتتى ارالاسپايتىنى انىقتالدى. سونىمەن قاتار كورشىلەرى ونىڭ جەكە ءومىرى تۋرالى ەشتەڭە بىلمەيدى. سونداي-اق، كۇدىكتىنىڭ ءبىر اي بويى جۇمىسقا شىقپاعانى انىقتالدى، – دەپ ايتتى اقتوبە وبلىسى پد باستىعى ا.ارىستانوۆ.
پوليتسيا قىزمەتكەرلەرىمەن جەدەل-ىزدەستىرۋ شارالارى بارىسىندا قىلمىستى قۇقىق بۇزۋشىلىقتى جاساعان كۇدىكتى ۇستالىپ، كىناسىن مويىندادى. ونىڭ ايتۋىنشا، ماس كۇيىندە ايەلدى ۇرىپ-سوعىپ، وسى ۋاقىت ىشىندە ۇيگە قايتپاي، ىشىمدىك ءىشىپ جۇرگەن.
كىسى ءولتىرۋ فاكتىسى نەگىزىندە قر قك-ءنىڭ 99-بابى 1-بولىگى (ادام ءولتىرۋ) بويىنشا سوتقا دەيىنگى تەرگەۋ جۇرگىزىلۋدە.
«ادىرنا» ۇلتتىق پورتالى
