Nur-Sultanda jantúrshigerlik jol apatynan 5 adam qaza tapty, - dep habarlaıdy “Adyrna” ulttyq portaly Tengrinews.kz saıtyna silteme jasap.
Polıııa departamentiniń baspasóz qyzmeti oqıǵa 30 qyrkúıekte saǵat 00.34-te bolǵanyn habarlady.
"Toyota Camry avtokóliginiń 19 jastaǵy júrgizýshisi Esil ózeni arqyly ótetin kópirden Saraıshyq kóshesine qaraı júrip, jyldamdyq rejımin saqtamaǵandyqtan rýldi basqara almaı qarsy qozǵalys jolaǵyna shyǵyp, Nexıa Ravon avtokóligimen soqtyǵysqan",-dep habarlady polıııa.
Jol apaty saldarynan bes adam qaza taýyp, taǵy bir jolaýshy túrli jaraqattarmen aýrýhanaǵa jatqyzyldy.
"Oqıǵa ornynda eki júrgizýshi, úsh jolaýshy qaıtys boldy. Toyota Camry-diń bir jolaýshysy aýyr halde qalalyq aýrýhanaǵa jatqyzyldy. Atalǵan derek boıynsha qylmystyq kodekstiń 345-baby 4-bóligi "kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy" boıynsha qylmystyq is qozǵaldy", - dep tolyqtyrdy vedomstvo.
Polıııa departamenti júrgizýshilerden jol erejelerin qatań saqtaýdy suraıdy.
