نۇرسۇلتان نازارباەۆ تۇركيا رەسپۋبليكاسىنىڭ ۇلى ۇلتتىق جينالىسىنىڭ سپيكەرى مۇستافا شەنتوپپەن كەزدەستى. بۇل تۋرالى ەلباسىنىڭ رەسمي سايتى جازدى، دەپ حابارلايدى «ادىرنا» ءتىلشىسى.
كەزدەسۋدە قازاقستاننىڭ تۇڭعىش پرەزيدەنتى م.شەنتوپقا تۇركىستان قالاسىندا وتەتىن تۇركىتىلدەس ەلدەردىڭ پارلامەنتتىك اسسامبلەياسىنىڭ مەرەيتويلىق پلەنارلىق وتىرىسىندا جەمىستى كەلىسسوزدەر جۇرگىزۋىنە تىلەكتەستىگىن ءبىلدىردى.
ەلباسى وتىز جىل ىشىندەگى قازاقستان مەن تۇركيا اراسىنداعى قاتىناستاردىڭ دامۋ قارقىنىن اتاپ ءوتىپ، م.شەنتوپتان تۇركيا رەسپۋبليكاسىنىڭ پرەزيدەنتى رەجەپ تايپ ەردوعانعا ىزگى تىلەگىن جەتكىزۋدى سۇرادى.
– مەن تاۋەلسىزدىكتىڭ العاشقى كۇندەرىنەن قازاقستان مەن تۇركيا اراسىنداعى ىنتىماقتاستىقتى دامىتۋ جولىندا جۇمىس اتقارىپ كەلەمىن. بۇگىندە ءبىزدىڭ قارىم-قاتىناسىمىز قارقىندى دامىپ جاتىر. پرەزيدەنت ەردوعان ەكەۋمىز ۇنەمى بايلانىستامىز، – دەدى قازاقستاننىڭ تۇڭعىش پرەزيدەنتى.
ءوز كەزەگىندە م.شەنتوپ ەلباسىعا قوناقجايلىق تانىتقانى ءۇشىن ريزاشىلىعىن ءبىلدىرىپ، تۇركيا رەسپۋبليكاسىنىڭ پرەزيدەنتى رەجەپ تايپ ەردوعاننىڭ جىلى لەبىزىن جەتكىزدى.
«ادىرنا» ۇلتتىق پورتالى
