الماتى قالاسىندا نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترىنىڭ جەتەكشى اكتريساسى سامال ەسلياموۆا باستى ءرولدى سومدايتىن، رەجيسسەرلەر ەرلان نۇرمۇحامبەتوۆ (قازاقستان) پەن ليزا تاكەبا (جاپونيا) بىرلەسىپ تۇسىرگەن «بارىمتاشىلار. ۋاقىت جولدارى» كوركەم ءفيلمىنىڭ پرەمەراسى ءوتتى دەپ حابارلايدى "ادىرنا" ۇلتتىق پورتالى.
حالىقارالىق كانن كينو فەستيۆالىندە "ايكا" فيلمىمەن جەڭىمپاز اتانعان سامال ەسلياموۆانىڭ جانە بەلگىلى اكتيورلەر دۋلىعا اقمولدا، ميراي مورياما قاتىسۋىمەن شىققان فيلم فرانتسيانىڭ 21 قالاسىندا پروكاتقا شىققان.
«بارىمتاشىلار. ۋاقىت جولدارى» ءفيلمى تيان-شان تاۋىنىڭ بوكتەرىندەگى كىشكەنتاي اۋىلدا تۇراتىن تاتۋ وتباسى تۋرالى باياندايدى. ولار شۋلى قالادان جانە تۇراقسىزدىقتان الىستا، جىلقى باعۋمەن اينالىسادى. ءبىر كۇنى بارىمتاشىلار (جىلقى ۇرلايتىن توپ) الىسقا وتاعاسىن الداپ اپارىپ، اياۋسىز ولتىرەدى دە تابىن جىلقىنى ايداپ اكەتەدى.
12 جاسار ولجاس، بارىمتاشىلار قولىنان مەرت بولعان اكەسىنىڭ ولىمىنە قايعىرىپ، زۇلىمدىقپەن كۇرەسىپ، وتباسىلارىنا تۇسكەن اۋىرتپالىقتى قارىنداستارىمەن بىرگە كەشەدى. قورعانسىز قالعان ولجاستىڭ وتباسىنا عايىپتان پايدا بولعان بوگدە بىرەۋ قول ۇشىن سوزادى.
"ادىرنا" ۇلتتىق پورتالى.
