Almaty qalasynda Nur-Sultan qalasy ákimdiginiń mýzykalyq jas kórermen teatrynyń jetekshi aktrısasy Samal Eslıamova basty róldi somdaıtyn, rejısserler Erlan Nurmuhambetov (Qazaqstan) pen Lıza Takeba (Japonııa) birlesip túsirgen «Barymtashylar. Ýaqyt joldary» kórkem fılminiń premerasy ótti dep habarlaıdy "Adyrna" ulttyq portaly.
Halyqaralyq Kann kıno festıvalinde "Aıka" fılmimen jeńimpaz atanǵan Samal Eslıamovanyń jáne belgili aktıorler Dýlyǵa Aqmolda, Mıraı Morııama qatysýymen shyqqan fılm Franııanyń 21 qalasynda prokatqa shyqqan.
«Barymtashylar. Ýaqyt joldary» fılmi Tıan-Shan taýynyń bókterindegi kishkentaı aýylda turatyn tatý otbasy týraly baıandaıdy. Olar shýly qaladan jáne turaqsyzdyqtan alysta, jylqy baǵýmen aınalysady. Bir kúni barymtashylar (jylqy urlaıtyn top) alysqa otaǵasyn aldap aparyp, aıaýsyz óltiredi de tabyn jylqyny aıdap áketedi.
12 jasar Oljas, barymtashylar qolynan mert bolǵan ákesiniń ólimine qaıǵyryp, zulymdyqpen kúresip, otbasylaryna túsken aýyrtpalyqty qaryndastarymen birge keshedi. Qorǵansyz qalǵan Oljastyń otbasyna ǵaıyptan paıda bolǵan bógde bireý qol ushyn sozady.
"Adyrna" ulttyq portaly.
