يسپانيادا قاتتى جاڭبىردىڭ سالدارىنان سۋ تاسقىنى بولىپ جاتىر. باتىس ايماقتارداعى كوپتەگەن جولدار مەن كوشەلەر سۋ استىندا قالدى، دەپ حابارلايدى "ادىرنا" ۇلتتىق پورتالى "news.liga.net-كە" سىلتەمە جاساپ.
يسپانيادا كەيبىر جەرلەردە جەردىڭ ءبىر شارشى مەترىنە 130 ليتردەن استام جاۋىن-شاشىن تۇسكەن، بۇل — سوڭعى ون جىلداعى رەكوردتىق كورسەتكىش.
اندالۋسيا، ەكسترەمادۋرا جانە ۆالەنسيا ەڭ كوپ زارداپ شەكتى. سۋ تاسقىنى سالدارىنان سەگىز ورتالىقتان ادامداردى ەۆاكۋاتسيالاۋعا تۋرا كەلگەن. تۇرعىندار وتە قاجەت زاتتاردى سۋدان الىپ شىعۋعا تالپىنعان. الايدا ءبارى سۋ استىندا قالدى.
جاڭبىردىڭ سالدارىنان كوپتەگەن جولدىڭ ۋچاسكەلەرى سۋ استىندا قالدى، ناتيجەسىندە ونداعان كولىكتەر جابىلىپ، تەمىرجول قاتىناسى بۇزىلدى. فەرمەرلەر كەلتىرىلگەن زالالدى اتادى. كەيبىر جەرلەردە بۇرشاق ءجۇزىم داقىلدارىنىڭ 50%-ىن جانە قۇرما مەن تسيترۋس داقىلدارىنىڭ 100%-ىن جويدى، بۇل 8 ميلليون ەۋرودان استام تىكەلەي شىعىندارعا اكەلدى.
وسى جاعدايلاردى ەسكەرىپ بيلىك 150 000 ەۆرو قارجى ءبولىپ وتىر.
"ادىرنا" ۇلتتىق پورتالى.
