اقش پرەزيدەنتى دجو بايدەن كورنەلل ۋنيۆەرسيتەتىنىڭ پروفەسسورى ساۋلە وماروۆانى ۆاليۋتالىق باقىلاۋ باسقارماسىنىڭ باسشىسى لاۋازىمىنا ۇسىنۋدى جوسپارلاپ وتىر. بۇل تۋرالى The Wall Street Journal جازدى، دەپ حابارلايدى «ادىرنا» ءتىلشىسى.
باق-تىڭ ايتۋىنشا، رەسمي تۇردە قازاقستان تۋماسىنىڭ كانديداتۋراسى وسى اپتادا ۇسىنىلۋى مۇمكىن. ەگەر ول بۇل قىزمەتكە ماقۇلدانسا، وماروۆا 1863 جىلى قۇرىلعان قارجى رەتتەۋ قىزمەتىن باسقارعان ءبىرىنشى ايەل اتانباق.
ايتا كەتەيىك، ساۋلە وماروۆا – قارجى مەن ەكونوميكاعا ماماندانعان زاڭ پروفەسسورى جانە نيۋ-يورك ادۆوكاتتار القاسىنىڭ مۇشەسى. ول بۇعان دەيىن ءوز عىلىمي جۇمىسىندا كريپتوۆاليۋتانىڭ بانك سالاسىنا قانداي قاۋىپ توندىرەتىنىن تالداپ كورسەتكەن ەدى.
«ادىرنا» ۇلتتىق پورتالى
