AQSh prezıdenti Djo Baıden Kornell ýnıversıtetiniń professory Sáýle Omarovany valıýtalyq baqylaý basqarmasynyń basshysy laýazymyna usynýdy josparlap otyr. Bul týraly The Wall Street Journal jazdy, dep habarlaıdy «Adyrna» tilshisi.
BAQ-tyń aıtýynsha, resmı túrde Qazaqstan týmasynyń kandıdatýrasy osy aptada usynylýy múmkin. Eger ol bul qyzmetke maquldansa, Omarova 1863 jyly qurylǵan qarjy retteý qyzmetin basqarǵan birinshi áıel atanbaq.
Aıta keteıik, Sáýle Omarova – qarjy men ekonomıkaǵa mamandanǵan zań professory jáne Nıý-Iork advokattar alqasynyń múshesi. Ol buǵan deıin óz ǵylymı jumysynda krıptovalıýtanyń bank salasyna qandaı qaýip tóndiretinin taldap kórsetken edi.
«Adyrna» ulttyq portaly
