قوستاناي وبلىسىندا كونستيتۋتسيا كۇنىنە وراي بىرقاتار يگى ىستەر اتقارىلدى. ديىرمەن كەشەنى ىسكە قوسىلدى، جاڭا سپورت نىسانى ەل يگىلىگىنە بەرىلىپ، ساياباق بوي كوتەردى.
ارقالىقتاعى كاسىپورىندار وسىعان دەيىن ۇندى قوستانايدان ساتىپ الىپ جۇرسە، ەندى وزدەرى تارتىپ ساۋداعا شىعارماق. بيداي ۇنتاقتايتىن ديىرمەن كەشەنى تاۋلىگىنە 1 500 توننا ءونىم وندىرەدى. نىسان تولىق قۋاتتا جۇمىس ىستەسە، ەكسپورتقا شىعۋعا مۇمكىندىك بار.
رۋسلان قۇلەتوۆ، ارقالىق قالاسى اۋىل شارۋاشىلىعى ءبولىمىنىڭ باسشىسى:
– بۇل ەندى جالعىز ارقالىق قالاسىنا ەمەس كورشىلەس اۋداندارعا دا وتە ءتيىمدى جوبا. سەبەبى، قازىرگى تاڭدا ءوزىمىزدىڭ ۇننىڭ ساپاسىنىڭ كولەمىنە قاراي جاقسى ونىمدەر شىعادى. سەۆەرنىي اۋىلىندا بوي كوتەرگەن كوپفۋنكتسيونالدى حوككەي كورتى كوپتىڭ كوڭىلىنەن شىعاتىنداي-اق. بالالار وسىندا قىستا كونكي تەپسە، جازدىگۇنى كوگالدا دوپ قۋادى.
ءالمۇرات نۇرعاليەۆ، ارقالىق قالاسىنىڭ تۇرعىنى:
– بۇل بەسىنشى شاعىن الاڭ. ورتالىق ساياجايدا، سەۆەرنىي پوسەلكەسىندە وسىنداي ەكى-ەكىدەن ورناتىلىپ جاتىر. الداعى ۋاقىتتا ءبىزدىڭ ورتامىزدا الەم چەمپيوندارى، وليمپيادا چەمپيوندارى ءوسىپ شىعىپ جاتاتىنا سەنىمدىمىز. «دوروجنيك» ىقشام اۋدانىنىڭ تۇرعىندارى مەرەكە كۇنى سىي-سياپاتسىز قالمادى. مۇندا امبەباپ سپورت الاڭىنىڭ سالتاناتتى اشىلۋ ءراسىمى ءوتتى. نىساندا شاعىن فۋتبول الاڭى، كوشە ترەناجەرلارى جانە workout-ايماعى بار. الاڭدار جاساندى كوگالمەن، جاتتىعۋ ايماعى رەزەڭكە ۇگىندىدەن جاسالعان. جاراقاتتان قورعايتىن جابىن تارتانمەن قاپتالعان.
ءسالىم بەكەتوۆ، ارقالىق قالاسىنىڭ تۇرعىنى:
-اكىمشىلىككە، حالىققا بارىنە راحمەت. بالالار ويناپ، سونداي كۇشتى بوپ جاتىر. ريزامىز.
بۇعان قوسا ەل تاۋەلسىزدىگىنىڭ 30 جانە ارقالىقتىڭ 65 جىلدىعىنا وراي جەرگىلىكتى كاسىپكەرلەردىڭ دەمەۋىمەن جاڭا ساياباق پەن قالاعا كىربەرىسكە اركا ورناتىلدى. دەمالىس ورنىندا ەنى ءتورت مەترگە جەتەتىن تۋ تۇعىرى ورناتىلدى. ول 18 مەتر بيىكتىكتەن الىستان مەنمۇندالاپ تۇرادى.
اۆتورلارى: دانيار سۇلتانۇلى، ەرمەك مۇحامەدياروۆ
