Qostanaı oblysynda Konstıtýııa kúnine oraı birqatar ıgi ister atqaryldy. Dıirmen kesheni iske qosyldy, jańa sport nysany el ıgiligine berilip, saıabaq boı kóterdi.
Arqalyqtaǵy kásiporyndar osyǵan deıin undy Qostanaıdan satyp alyp júrse, endi ózderi tartyp saýdaǵa shyǵarmaq. Bıdaı untaqtaıtyn dıirmen kesheni táýligine 1 500 tonna ónim óndiredi. Nysan tolyq qýatta jumys istese, eksportqa shyǵýǵa múmkindik bar.
Rýslan Quletov, Arqalyq qalasy aýyl sharýashylyǵy bóliminiń basshysy:
– Bul endi jalǵyz Arqalyq qalasyna emes kórshiles aýdandarǵa da óte tıimdi joba. Sebebi, qazirgi tańda ózimizdiń unnyń sapasynyń kólemine qaraı jaqsy ónimder shyǵady. Severnyı aýylynda boı kótergen kópfýnkıonaldy hokkeı korty kóptiń kóńilinen shyǵatyndaı-aq. Balalar osynda qysta konkı tepse, jazdygúni kógalda dop qýady.
Álmurat Nurǵalıev, Arqalyq qalasynyń turǵyny:
– Bul besinshi shaǵyn alań. Ortalyq saıajaıda, Severnyı poselkesinde osyndaı eki-ekiden ornatylyp jatyr. Aldaǵy ýaqytta bizdiń ortamyzda álem chempıondary, olımpıada chempıondary ósip shyǵyp jatatyna senimdimiz. «Dorojnık» yqsham aýdanynyń turǵyndary mereke kúni syı-sııapatsyz qalmady. Munda ámbebap sport alańynyń saltanatty ashylý rásimi ótti. Nysanda shaǵyn fýtbol alańy, kóshe trenajerlary jáne workout-aımaǵy bar. Alańdar jasandy kógalmen, jattyǵý aımaǵy rezeńke úgindiden jasalǵan. Jaraqattan qorǵaıtyn jabyn tartanmen qaptalǵan.
Sálim Beketov, Arqalyq qalasynyń turǵyny:
-Ákimshilikke, halyqqa bárine rahmet. Balalar oınap, sondaı kúshti bop jatyr. Rızamyz.
Buǵan qosa el táýelsizdiginiń 30 jáne Arqalyqtyń 65 jyldyǵyna oraı jergilikti kásipkerlerdiń demeýimen jańa saıabaq pen qalaǵa kirberiske arka ornatyldy. Demalys ornynda eni tórt metrge jetetin tý tuǵyry ornatyldy. Ol 18 metr bıiktikten alystan menmundalap turady.
Avtorlary: Danııar Sultanuly, Ermek Muhamedııarov
