ايماق باسشىسى جۇمىس ساپارىمەن اۋليەكول اۋدانىنا باردى. ارحيمەد مۇحامبەتوۆ بىرقاتار ماڭىزدى الەۋمەتتىك نىسانداردى ارالاپ، اۋىل تۇرعىندارىن ساپالى اۋىز سۋمەن، گازبەن قامتاماسىز ەتۋ بويىنشا ءجۇرىپ جاتقان جۇمىستارمەن تانىستى. سونىمەن قاتار اۋداننىڭ جىلۋ بەرۋ ماۋسىمىنا ازىرلىك بارىسىن تەكسەردى.
ايماق باسشىسى، الدىمەن، لاۆرەنتەۆ اۋىلىنداعى سۋ تاراتۋ پۋنكتىن قاراپ شىقتى. مۇنداي سۋ تاراتقىش قۇرىلعى اۋداننىڭ كوپتەگەن اۋىلىندا ورناتىلعان. جالپى سانى – 10. ودان كەيىن اكىم امانقاراعاي اۋىلىنداعى سۋ قۇبىرىنىڭ قۇرىلىسىمەن تانىستى. قۇرىلىس كەشەنىنە سورعى ستانتسياسى، تازا سۋ رەزەرۆۋارى جانە ولارعا ارنالعان سۇزگىش-جۇتقىشتار، سۋدى زاراسىزداندىرۋدىڭ جەرگىلىكتى ستانتسياسى، الاڭىشىلىك جەلىلەر ەنەدى. جوبا قۇنى 2 ملرد-تان اسادى.
ارحيمەد مۇحامبەتوۆ اۋدانداعى مەملەكەتتىك جوبالاردىڭ جۇزەگە اسىرىلۋ بارىسىمەن تانىستى. امانقاراعاي ەلدى مەكەنىندە «اۋىل – ەل بەسىگى» باعدارلاماسى اياسىندا دارىگەرلىك امبۋلاتوريا مەن ن.وستروۆسكي اتىنداعى امانقاراعاي ورتا مەكتەبىنىڭ جوندەۋ جۇمىستارى ءجۇرىپ جاتىر.
ودان ءارى اكىم اۋليەكول اۋدانىنىڭ گاز تاراتۋ جەلىلەرىنىڭ قۇرىلىسىن قارادى. گاز قۇبىرى تراسساسىنىڭ جالپى ۇزىندىعى – شاماممەن 123 مىڭ شاقىرىم، ابونەنتتەر سانى – 3389.
سونىمەن قاتار ارحيمەد بەكەجانۇلى قۇسمۇرىن اۋىلىنداعى «يۋجنايا» قازاندىعىنا باردى. ۇزىندىعى 9 373 م جىلۋ جەلىلەرى 550 ابونەنتكە قىزمەت كورسەتەدى. اۋىل الداعى جىلىتۋ ماۋسىمىنا تولىقتاي دايىن. ساپار سوڭىندا ءوڭىر باسشىسى اۋدان اكىمىنە الەۋمەتتىك-ەكونوميكالىق دامۋ بويىنشا جۇمىستى كۇشەيتۋدى، سونداي-اق جوسپارلانعان جۇمىستاردى ساپالى جانە كورسەتىلگەن مەرزىمدە اياقتاۋدى تاپسىردى.
