Aımaq basshysy jumys saparymen Áýlıekól aýdanyna bardy. Arhımed Muhambetov birqatar mańyzdy áleýmettik nysandardy aralap, aýyl turǵyndaryn sapaly aýyz sýmen, gazben qamtamasyz etý boıynsha júrip jatqan jumystarmen tanysty. Sonymen qatar aýdannyń jylý berý maýsymyna ázirlik barysyn tekserdi.
Aımaq basshysy, aldymen, Lavrentev aýylyndaǵy sý taratý pýnktin qarap shyqty. Mundaı sý taratqysh qurylǵy aýdannyń kóptegen aýylynda ornatylǵan. Jalpy sany – 10. Odan keıin ákim Amanqaraǵaı aýylyndaǵy sý qubyrynyń qurylysymen tanysty. Qurylys keshenine sorǵy stanııasy, taza sý rezervýary jáne olarǵa arnalǵan súzgish-jutqyshtar, sýdy zarasyzdandyrýdyń jergilikti stanııasy, alańishilik jeliler enedi. Joba quny 2 mlrd-tan asady.
Arhımed Muhambetov aýdandaǵy memlekettik jobalardyń júzege asyrylý barysymen tanysty. Amanqaraǵaı eldi mekeninde «Aýyl – el besigi» baǵdarlamasy aıasynda dárigerlik ambýlatorııa men N.Ostrovskıı atyndaǵy Amanqaraǵaı orta mektebiniń jóndeý jumystary júrip jatyr.
Odan ári ákim Áýlıekól aýdanynyń gaz taratý jelileriniń qurylysyn qarady. Gaz qubyry trassasynyń jalpy uzyndyǵy – shamammen 123 myń shaqyrym, abonentter sany – 3389.
Sonymen qatar Arhımed Bekejanuly Qusmuryn aýylyndaǵy «Iýjnaıa» qazandyǵyna bardy. Uzyndyǵy 9 373 m jylý jelileri 550 abonentke qyzmet kórsetedi. Aýyl aldaǵy jylytý maýsymyna tolyqtaı daıyn. Sapar sońynda óńir basshysy aýdan ákimine áleýmettik-ekonomıkalyq damý boıynsha jumysty kúsheıtýdi, sondaı-aq josparlanǵan jumystardy sapaly jáne kórsetilgen merzimde aıaqtaýdy tapsyrdy.
