رەسەيلىك باق -تا «كەيبىر باق تۇركىمەنستان پرەزيدەنتى گۋربانگۋلى بەردىمۇحامەدوۆتىڭ كومادا جاتقانىن حابارلادى، ال بۇل ەلدىڭ رەسەيدەگى ەلشىلىگى مۇنى جوققا شىعارادى» دەگەن اقپارات تارادى. بۇل تۋرالى “ادىرنا” ۇلتتىق پورتالى حابارلايدى.
ريا نوۆوستي ماسكەۋدەگى تۇرىكمەن ەلشىلىگىنە حابارلاسقان. ديپلوماتيالىق قىزمەت بۇل اقپاراتتى جوققا شىعاردى.
«بىرقاتار باق تۇركىمەنستان پرەزيدەنتى گۋربانگۋلى بەردىمۇحامەدوۆتىڭ دەنساۋلىعى ناشارلادى دەگەن اقپارات تاراتقان. مۇلدەم شىندىققا سايكەس كەلمەيدى»، - دەپ حابارلادى تۇركىمەنستاننىڭ ماسكەۋدەگى ەلشىلىگى.
ريا «بۇرىن كەيبىر باق تۇركىمەنستان پرەزيدەنتى بەردىمۇحامەدوۆتىڭ كومادا جاتقانىن حابارلادى» دەپ جازدى، بىراق سىلتەمەلەر مەن ولاردىڭ اتى -جوندەرىن ايتپادى.
ديپلوماتيالىق ميسسيا «گۋربانگۋلى بەردىمۇحامەدوۆ كەشە تسيفرلىق جۇيە بويىنشا مينيسترلەر كابينەتىنىڭ كەڭەيتىلگەن وتىرىسىن وتكىزدى، وندا مەملەكەتتىڭ وزەكتى ماسەلەلەرى تالقىلانىپ، بىرقاتار قۇجاتتاردىڭ جوبالارى قارالدى» دەپ ەسكە الىپ، سوڭعى شىققان اقپاراتتارعا زەر سالۋدى ۇسىندى.
بەردىمۇحامەدوۆتىڭ كومادا جاتقانى تۋرالى اقپارات العاش رەت YouTube-تا تۇركىمەن وپپوزيتسيالىق بلوگەرلەرىنىڭ ءبىرى مۇحاممەت دۋەدجيدىڭ كانالىندا پايدا بولدى. بۇل بەينەجازبا 21 قىركۇيەكتە اشحاباد ۋاقىتىمەن تاڭعى 6 -دا جاريالاندى، - دەپ حابارلايدى تۇركىمەنستان حرونيكاسى.
سوڭعى رەت تۇركىمەنستان باسشىسى تەلەارنالار الدىندا، ەل تاۋەلسىزدىگىنىڭ 30 جىلدىعىنا وراي مينيسترلەر كابينەتىنىڭ كەڭەيتىلگەن وتىرىسىن وتكىزگەن كەزدە پايدا بولدى.
”ادىرنا” ۇلتتىق پورتالى
