بۇگىن تاڭەرتەڭ الماتىدا ءال-فارابي داڭعىلى جابىلدى. سونىڭ سالدارىنان قوزعالىس كەزىندە قيىندىقتار تۋىنداپ، كەپتەلىس بولعان، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.
بەيرەسمي مالىمەتتەرگە سۇيەنسەك، قازاقستاننىڭ پرەمەر-ءمينيسترى اسقار مامين الماتىعا جۇمىس ساپارىمەن كەلگەن. پرەمەر-ءمينيستردىڭ ءباسپاسوز قىزمەتى اقپاراتتى راستاپ، ۇكىمەت باسشىسىنىڭ وبلىسقا جۇمىس ساپارىمەن بارعانىن مالىمدەدى.
2گيس قوسىمشاسىنداعى جۇرگىزۋشىلەردىڭ حابارلاۋىنشا، ساين جانە فۋرمانوۆ كوشەلەرىندە كولىك قوزعالىسى 9:00-10:00 ارالىعىندا قيىنداعان.
پوليتسيا دەپارتامەنتى قالانىڭ جوعارعى بولىگىندەگى داڭعىلدىڭ جابىلۋى "سەنىمدى ادامنىڭ"كەلۋىمەن بايلانىستى ەكەنىن جەتكىزدى
«تاڭەرتەڭنەن باستاپ سەنىمدى تۇلعانى الىپ ءجۇرۋ قاجەت بولدى. ولاردىڭ سانى ەكەۋ، الايدا بۇل تۋرالى اشىپ ايتا المايمىن. بۇل قىزمەتتىك، مەملەكەتتىك قۇپيا»،— دەپ ءتۇسىندىردى الماتى پوليتسيا دەپارتامەنتى ءباسپاسوز قىزمەتىنىڭ قىزمەتكەرى ەۆگەني لىسەنكو.
«ادىرنا» ۇلتتىق پورتالى
