جامبىل وبلىسىندا زاڭسىز جولمەن التىن قازعاندار ۇستالدى

3333
Adyrna.kz Telegram

جامبىل وبلىسىندا زاڭسىز التىن قازعاندار ۇستالدى، دەپ حابارلايدى "ادىرنا" ۇلتتىق پورتالى.

ولاردىڭ بۇل ىسكە تىڭعىلىقتى دايىندالعانى سونشالىق، 9 ادامنان قۇرالعان قىلمىستىق توپ تاۋ ىشىنەن شاحتا قازىپ، زاماناۋي قۇرال-جابدىقتاردى پايدالانعان.

- ءتىنتۋ كەزىندە التىن كەندى وڭدەيتىن 2 قۇرال، قۇمدى تازارتۋعا ارنالعان 2 اپپارات، سونداي-اق 10 توننا كولەمىندە كەن تابىلىپ، تاركىلەندى. قازىرگى ۋاقىتتا تەرگەپ-تەكسەرۋ امالدارى جۇرگىزىلۋدە. ءتيىستى ساراپتامالار تاعايىندالدى،- دەپ مالىمدەدى وبلىستىق پد ءباسپاسوز قىزمەتىنىڭ وكىلى قۇندىز بوگەنباەۆا.

كۇدىكتىلەر مويىنقۇم اۋدانى اقباقاي اۋىلىنان 20 شاقىرىم جەردە ورنالاسقان «قاراكوز» جەر ۋچاسكەسىندە التىن قازعان. ولار كەن قازۋعا ارنالعان ارنايى قۇرىلعىلاردى پايدالانعان. قىلمىستىق توپ وندىرىلگەن كەندى شۋ وزەنى اۋماعىنداعى تسەحقا تاسىمالداعانى انىقتالدى. قازىر تەرگەۋ جۇمىستارى ءجۇرىپ جاتىر. كۇدىكتىلەردىڭ كىناسى تولىق دالەلدەنسە، 3 جىلدان 5 جىلعا دەيىنگى باس بوستاندىعىنان ايىرىلۋى مۇمكىن.

"ادىرنا" ۇلتتىق پورتالى

پىكىرلەر