فۋكۋسيما اەس-ىندە تاعى اپات بولدى

2785
Adyrna.kz Telegram

جاپونيانىڭ سولتۇستىك-شىعىسىنداعى اپاتتىق فۋكۋسيما-1 اتوم ەلەكتر ستانتسياسىنىڭ وپەراتورى TEPCO راديواكتيۆتى سۋعا ارنالعان ALPS سۇيىقتىق تازارتۋ جۇيەسىنىڭ بارلىق سۇزگىلەرىنە زاقىم كەلگەنىن حابارلادى. بۇل تۋرالى NHK جاپوندىق تەلەارناسى مالىمدەدى ، - دەپ حابارلايدى “ادىرنا” ۇلتتىق پورتالى ريا نوۆوستي -گە سىلتەمە جاساپ.

ماماندار وتكەن ايدىڭ سوڭىندا جۇيەدەن راديواكتيۆتى سۋدىڭ اعىپ كەتۋىنە جول بەرمەيتىن سۇزگىلەردىڭ ءبىرىنىڭ زاقىمدانعانىن انىقتاعاننان كەيىن جۇيەگە تولىق اۋقىمدى تەكسەرۋ جۇرگىزىلدى. جابدىقتى تەكسەرۋ بارىسىندا 25 سۇزگىنىڭ 24 -ىندە اقاۋ بار ەكەنى انىقتالدى.

تەلەارنا TEPCO -دا ALPS جۇيەسىنەن راديواكتيۆتى سۋدىڭ اعىپ كەتۋ جاعدايلارى ءالى تىركەلمەگەنىنە قاراماستان، جاعداي تاعى دا قايتالانۋى مۇمكىن ەكەنىن ايتتى.

بۇعان ۇقساس جاعداي ستانتسيادا ەكى جىل بۇرىن بولدى. سودان كەيىن TEPCO بۇل

ءبۇلىنۋدىڭ سەبەبىن انىقتاي المادى. وپەراتور زاقىمدانعان جەردىڭ سۇزگىلەرىن وزگەرتىپ جۇيە جۇمىسىن قايتا جالعاستىردى.

اگەنتتىك ەسكە سالعانداي، ءساۋىر ايىنىڭ سوڭىندا جاپونيا ۇكىمەتى 2023 جىلدان باستاپ راديواكتيۆتى سۋدى 62 راديواكتيۆتى ەلەمەنتتەن تازارتاتىن ALPS جۇيەسىندە تازارتىلعان سۋدى مۇحيتقا تاستاۋعا رۇقسات بەرۋ تۋرالى شەشىم قابىلدادى.

بۇل شەشىم رەسەيدە، قىتايدا، وڭتۇستىك كورەيادا جانە كحدردە الاڭداۋشىلىق تۋعىزدى. سونىمەن قاتار، ماگاتە بۇل قابىلدانعان شەشىمدى قولدايتىنىن جانە مونيتورينگ ءۇشىن ماماندار توبىن جىبەرۋگە نيەتتى ەكەنىن مالىمدەدى.

“بۇكىل جاپوندىق بالىق اۋلاۋ كووپەراتيۆتەرى فەدەراتسياسى، سونىمەن قاتار فۋكۋسيما، مياگي جانە يباراكي پرەفەكتۋرالارىنىڭ بالىقشىلارىنىڭ بىرلەستىگى «فۋكۋسيما-1» اەس-نەن تەڭىزگە اعىزۋعا قارسى.

فۋكۋسيما پرەفەكتۋراسىندا 41 مۋنيتسيپاليتەت كەلىسپەۋشىلىگىن مالىمدەدى،” - بۇل جالپى ساننىڭ شامامەن 70 پايىزى، دەپ جازادى اگەنتتىك.

”ادىرنا” ۇلتتىق پورتالى

پىكىرلەر