"Balenciaga" فرانتسۋز ءسان ءۇيى تۇرمىستىق سومكەلەرگە ۇقسايتىن جالپاق كولەمدەگى قول سومكەلەرىن ساتا باستادى دەپ حابارلايدى "ادىرنا" ۇلتتىق پورتالى.
ساتىپ الۋشىلار جاڭا "Balenciaga" اكسەسسۋارىنىڭ ديزاينىن باعالامادى. ساۋدا جەلىسى قول سومكەنىڭ قۇنىن شامامەن 1 ميلليون تەڭگەگە ساتىپ جاتىر. كوپشىلىك سومكەنى "اجەلەر ازىق-تۇلىككە بارعاندا بازارعا وسىنداي سومكەلەر ۇستاعان" دەپ پىكىر ءبىلدىردى.
"مەن اجەمە 30 جىل بويى سانقوي بولعانىن ايتۋىم كەرەك", "بۇل اجەمنىڭ بازارعا نەمەسە جاعاجايعا اپاراتىن سومكەسى", "افريكادا وسىنداي سومكەمەن ازىق-تۇلىك ساتىپ الۋعا بارادى", - دەپ جازدى وقىرماندار الەۋمەتتىك جەلىدە.
ايتا كەتۋ كەرەك، فرانتسۋزدەر ويلاپ تاپقان جاڭا ديزاينعا ۇقساس سومكەلەرمەن ون شاقتى جىل بۇرىن ءبىزدىڭ ەلىمىزدە ساۋداگەرلەر پويىز ارقىلى جۇك تاسىعان بولاتىن. قازىر دە ساۋدادا مۇنداي سومكەلەر تۇرمىستىق ماقساتتا پايدالانىلادى.
"ادىرنا" ۇلتتىق پورتالى.
