باقىت سارسەكباەۆ پەن باحتيار ارتاەۆ "جەكپە-جەككە" شىعا ما؟

3571
Adyrna.kz Telegram

بوكستان 2008 جىلعى بەيجىڭ وليمپياداسىنىڭ چەمپيونى باقىت سارسەكباەۆ 2004 جىلعى وليمپيادا ويىندارىنىڭ تاعى ءبىر جەڭىمپازى، قازاقستان بوكس فەدەراتسياسىنىڭ جاتتىقتىرۋشى ماسەلەلەرى بويىنشا ۆيتسە-پرەزيدەنتى باحتيار ارتاەۆتى "جەكپە-جەككە" شاقىردى دەپ حابارلايدى "ادىرنا" ۇلتتىق پورتالى "vesti.kz-كە" سىلتەمە جاساپ.

بوكستان قازاقستان ايەلدەر قۇراماسىنداعى جانجال اياسىندا ب.سارسەكباەۆ بوكسشى اندجەلينا لۋكاستى جاقتاپ، ونى وتانداسى نازىم قىزايبايعا قارسى جەكپە-جەككە دايىنداۋعا دايىن ەكەنىن جەتكىزدى. جانە ب.ارتاەۆقا  نازىمعا جاتتىقتىرۋشى بولۋدى ۇسىندى.

«بىزدە قازىر ايەلدەر بوكسىندا ءسوز جۇزىندە "جەكپە-جەكتەر" بولىپ جاتقاندىقتان، باحتيار ارتاەۆ، مەن سىزگە نازىم قىزايبايدى دايىنداۋدى ۇسىنامىن، مەن انگەلينا لۋكاستى دايىندايمىن. ال جەڭىمپاز كىم بولاتىنىن كورەمىز»، - دەدى ب.سارسەكباەۆ.

ايەلدەر كومانداسىنداعى جانجال ا.لۋكاس پرەزيدەنتكە جۇگىنىپ، كومانداداعى جاعىمسىز جاعدايلاردى جەتكىزىپ، ن.قىزايبايدى دوپينگ قولداندى دەپ ايىپتاعاننان كەيىن باستالدى.

سونداي -اق، ونىڭ ايتۋىنشا، ارتاەۆ ونى قازاقستان قۇراماسىنان زاڭسىز شىعارعان. وسىدان كەيىن «لۋكاس ءىسىن» مادەنيەت مينيسترلىگى ءوز قولىنا الدى. بۇعان دەيىن وسىنداي تالاپتى ن.قىزايبايدىڭ ءوزى ايتقان.

ايتا كەتۋ كەرەك، ا.لۋكاستىڭ مالىمدەمەلەرىنەن كەيىن بوكستان قازاقستان ايەلدەر قۇراماسىندا جاتتىقتىرۋشى اۋىستى. سونداي-اق ءدال وسىنداي جاعداي ەرلەر قۇراماسىندا دا بولدى.

 

"ادىرنا" ۇلتتىق پورتالى.

پىكىرلەر