Bokstan 2008 jylǧy Beijıŋ Olimpiadasynyŋ chempiony Baqyt Särsekbaev 2004 jylǧy Olimpiada oiyndarynyŋ taǧy bır jeŋımpazy, Qazaqstan boks federasiiasynyŋ jattyqtyruşy mäselelerı boiynşa vise-prezidentı Bahtiiar Artaevty "jekpe-jekke" şaqyrdy dep habarlaidy "Adyrna" ūlttyq portaly "vesti.kz-ke" sılteme jasap.
Bokstan Qazaqstan äielder qūramasyndaǧy janjal aiasynda B.Särsekbaev boksşy Andjelina Lukasty jaqtap, ony otandasy Nazym Qyzaibaiǧa qarsy jekpe-jekke daiyndauǧa daiyn ekenın jetkızdı. Jäne B.Artaevqa Nazymǧa jattyqtyruşy boludy ūsyndy.«Bızde qazır äielder boksynda söz jüzınde "jekpe-jekter" bolyp jatqandyqtan, Bahtiiar Artaev, men sızge Nazym Qyzaibaidy daiyndaudy ūsynamyn, men Angelina Lukasty daiyndaimyn. Al jeŋımpaz kım bolatynyn köremız», - dedı B.Särsekbaev.
Äielder komandasyndaǧy janjal A.Lukas Prezidentke jügınıp, komandadaǧy jaǧymsyz jaǧdailardy jetkızıp, N.Qyzaibaidy doping qoldandy dep aiyptaǧannan keiın bastaldy.Sondai -aq, onyŋ aituynşa, Artaev ony Qazaqstan qūramasynan zaŋsyz şyǧarǧan. Osydan keiın «Lukas ısın» Mädeniet ministrlıgı öz qolyna aldy. Būǧan deiın osyndai talapty N.Qyzaibaidyŋ özı aitqan. Aita ketu kerek, A.Lukastyŋ mälımdemelerınen keiın bokstan Qazaqstan äielder qūramasynda jattyqtyruşy auysty. Sondai-aq däl osyndai jaǧdai erler qūramasynda da boldy.
"Adyrna" ūlttyq portaly.
