وسىدان تۋرا 20 جىل بۇرىن، ياعني 2001 جىلى 11 قىركۇيەكتە 19 تەرروريست ءتورت جولاۋشى ۇشاعىن جۇرگىزىپ اكەتىپ، تاريحتا ەڭ ءىرى تەراكت جاسادى. وسى تەرراكتىدەن ءۇش مىڭعا جۋىق ادام قازا تاپقان ەدى. ەكى ۇشاق بىرىنەن سوڭ ءبىرى نيۋ-يوركتەگى دۇنيەجۇزىلىك ساۋدا ورتالىعىنىڭ قوس مۇناراسىنا سوقتى. سودىرلار ءۇشىنشى ۇشاقتى پەنتاگون عيماراتىنا باعىتتاعان. ال ءتورتىنشى ۇشاقتاعى جولاۋشىلار تەررورشىلارعا قارسىلىق كورسەتىپ، ۇشاق پەنسيلۆانيا شتاتى اۋماعىنا قۇلاعان. وسى وقيعالاردىڭ بارلىعى نەبارى ەكى ساعاتقا جۋىق ۋاقىتتىڭ ىشىندە بولعان.
الدىن الا مالىمەتتەرگە سۇيەنسەك، وسى وقيعاعا بايلانىستى بۇگىن اقش پرەزيدەنتى دجو بايدەن تەراكت ورىندارىنا بارىپ، ەسكە الۋ شارالارىنا قاتىسادى. سونداي-اق بايدەن مەن ۆيتسە-پرەزيدەنت كامالا حارريس ءتورتىنشى ۇشاق قۇلاعان پەنسيلۆانياداعى شانكسۆيلل الاڭىنداعى مەموريالعا دا بارادى.
ايتا كەتۋ كەرەك، اتالعان تەراكتىگە جاۋاپ رەتىندە اقش پەن ونىڭ وداقتاسى ۇلىبريتانيا 2001 جىلى 7 قازاندا اسكەري وپەراتسيا باستاپ، تالىبتەر مەن تەرروريستىك ۇيىمداردى جويۋدى كوزدەدى. ولار ەڭ ءبىرىنشى كەزەكتە ء"ال-قايدانى" نىساناعا العان بولاتىن.
ەڭ سوراقىسى، اتالعان تەراكتى كەزىندە 2977 ادام قازا تاۋىپ، مىڭداعان ادام جاراقاتتانعان بولاتىن.
بۇگىندە كوپشىلىك جادىندا قالىپ قويعان بۇل وقيعاعا بايلانىستى الەم ەلدەرى ءار ءتۇرلى دەرەكتى فيلمدەر مەن كينوكارتينالار ءتۇسىردى.
"ادىرنا" ۇلتتىق پورتالى.
