Osydan týra 20 jyl buryn, ıaǵnı 2001 jyly 11 qyrkúıekte 19 terrorıst tórt jolaýshy ushaǵyn júrgizip áketip, tarıhta eń iri terakt jasady. Osy terraktiden úsh myńǵa jýyq adam qaza tapqan edi. Eki ushaq birinen soń biri Nıý-Iorktegi Dúnıejúzilik saýda ortalyǵynyń qos munarasyna soqty. Sodyrlar úshinshi ushaqty Pentagon ǵımaratyna baǵyttaǵan. Al tórtinshi ushaqtaǵy jolaýshylar terrorshylarǵa qarsylyq kórsetip, ushaq Pensılvanııa shtaty aýmaǵyna qulaǵan. Osy oqıǵalardyń barlyǵy nebári eki saǵatqa jýyq ýaqyttyń ishinde bolǵan.
Aldyn ala málimetterge súıensek, osy oqıǵaǵa baılanysty búgin AQSh Prezıdenti Djo Baıden terakt oryndaryna baryp, eske alý sharalaryna qatysady. Sondaı-aq Baıden men vıe-prezıdent Kamala Harrıs tórtinshi ushaq qulaǵan Pensılvanııadaǵy Shanksvıll alańyndaǵy memorıalǵa da barady.
Aıta ketý kerek, atalǵan teraktige jaýap retinde AQSh pen onyń odaqtasy Ulybrıtanııa 2001 jyly 7 qazanda áskerı operaııa bastap, tálibter men terrorıstik uıymdardy joıýdy kózdedi. Olar eń birinshi kezekte "Ál-Qaıdany" nysanaǵa alǵan bolatyn.
Eń soraqysy, atalǵan terakti kezinde 2977 adam qaza taýyp, myńdaǵan adam jaraqattanǵan bolatyn.
Búginde kópshilik jadynda qalyp qoıǵan bul oqıǵaǵa baılanysty álem elderi ár túrli derekti fılmder men kınokartınalar túsirdi.
"Adyrna" ulttyq portaly.
