اقمولا وبلىسىندا جاستار ەسىرتكى رەتىندە قولدانىپ كەلگەن ءدارى-دارمەكتەردى ساتاتىن ينتەرنەت -دۇكەن جابىلدى دەپ حابارلايدى "ادىرنا" ۇلتتىق پورتالى.
اقمولا وبلىستىق پوليتسيا ءباسپاسوز قىزمەتىنىڭ مالىمەتىنە سۇيەنسەك، تارتىپ ساقشىلارى 30 جاستاعى كوكشەتاۋ قالاسىنىڭ تۇرعىنىن ۇستاعان. كوكشەتاۋلىق تۇرعىننان ساتىلۋعا تىيىم سالىنعان ەكى ءتۇرلى 30 تابلەتكا تاركىلەنگەن.
ەر ادامنىڭ ايتۋىنشا، ول مەسسەندجەرلەردىڭ ءبىرى ارقىلى ينتەرنەت-دۇكەنگە كۋرەر بولىپ جۇمىسقا ورنالاسقان. ول ءتورت ايدان بەرى فارماتسەۆتيكالىق پرەپاراتتاردىڭ «بەتبەلگىلەرىن» جاسايدى.
— اتالعان دۇكەننىڭ اكىمشىسى دە ۇستالدى. ول — 29 جاستاعى كوكشەتاۋ قالاسىنىڭ تۇرعىنى. دۇكەن بايلانىسسىز جۇمىس جاساعان، ونىڭ تۇراقتى تۇتىنۋشىلار بازاسى بولعان، — دەيدى اعا جەدەل ۋاكىل، پوليتسيا مايورى رازيا كۋرسانوۆا.
تەكسەرۋ بارىندا اكىمشى ايەلدەن 510 تابلەتكا مەن 51 بوتەلكە ەسىرتكىلىك زات تابىلىپ، الىنعان. بۇگىندە ساراپتامالار تاعايىندالعان.
ۇستالعاندارعا قاتىستى قر قىلمىستىق كودەكسىنىڭ 296-بابىنىڭ 2-بولىگى «ەسىرتكى، پسيحوتروپتىق زاتتاردى زاڭسىز ساقتاۋ» بويىنشا سوتقا دەيىنگى ءىس قوزعالدى.
"ادىرنا" ۇلتتىق پورتالى.
