يزرايلدە ارميا وفيتسەرلەرىنىڭ پايدالانۋىنداعى قىتايلىق قىزمەتتىك كولىكتەردى تاركىلەۋ باستالدى، دەپ حابارلايدى «ادىرنا» ءتىلشىسى Israel News اگەنتتىگىنە سىلتەمە جاساپ.
بۇل شەشىم قاۋىپسىزدىك قىزمەتتەرى جۇرگىزگەن تەكسەرىستەن كەيىن قابىلدانعان. تەكسەرۋ ناتيجەسىندە كەيبىر قىتايلىق اۆتوكولىكتىڭ كىرىكتىرىلگەن جۇيەلەرى اسكەري قىزمەتكەرلەردى اڭدۋ جانە قۇپيا دەرەكتەردى جيناۋ ءۇشىن پايدالانىلۋى مۇمكىن ەكەنى انىقتالعان.
«ماسەلە تەك كامەرا مەن ميكروفوندا ەمەس. قازىرگى كولىكتەردە جابىق وپەراتسيالىق جۇيە مەن سىمسىز بايلانىس بار. ول جاقىن ماڭداعى نىسانداردان بارلاۋ دەرەكتەرىن جيناي الادى»،- دەپ ءتۇسىندىردى جۋرناليستەرگە ءيزرايلدىڭ بۇرىنعى جوعارى لاۋازىمدى وفيتسەرى.
كولىكتەردى تاركىلەۋ كەزەڭ-كەزەڭىمەن جۇزەگە اسپاق. پروتسەسس 2026 جىلدىڭ ءبىرىنشى توقسانىنىڭ سوڭىنا دەيىن اياقتالادى دەپ جوسپارلانىپ وتىر.
يزرايل اسكەريلەرىنىڭ باعالاۋىنشا، شامامەن 700 كولىك تاركىلەنەدى. ولاردىڭ كوپشىلىگى — Chery ماركالى جەتى ورىندى اۆتوموبيلدەر.
