Bılım alu üşın özge auylǧa sabylǧan balalar endı öz mektebınde oqidy. Arys qalasynyŋ ırgesındegı Ontam eldı mekenınde 150 oryndyq mektep salynyp jatyr. Būl ünemı estıp jürgen jaŋalyq dersız?! Bıraq bılım ordasy memleket esebınen emes, jeke käsıpkerdıŋ qarajatymen tūrǧyzyluda.
Qūrylys nysany Memleket basşysy Qasym-Jomart Toqaevtyŋ 1 qyrküiektegı Qazaqstan halqyna Joldauynda körsetılgen tapsyrmalardy jüzege asyru aiasynda qolǧa alynyp otyr. İnvestordyŋ igı ısı tek jergılıktı ūl-qyzdarǧa emes, osy orta bılım ordasyna jūmysqa tartylatyn 50 azamatqa da paidasyn tigızbek. Käsıpker qūrylysqa öz qaltasynan 600 million teŋge bölgen.
Būl turaly «Euraziia» bırınşı arnasy habarlaidy.
KLARA NŪRMANOVA, JEKE KÄSIPKER: "Myna eldı mekenge mektep salu jospary bolǧan edı. Osy ıs qala äkımınıŋ qoldauymen, halyqtyŋ qoldauymen jolǧa qoiylyp jatyr. 0107 Oquşylar ūzaqqa barmai, qysta jauramai, mektep jaqyn jerden bolsyn dep osy ıstı bastap jatyrmyz".
2,5 gektar aumaqty alyp jatqan mekteptıŋ öz sport alaŋy da bolady. Nysan qūrylysy 2023 jyly aiaqtaluy tiıs. Desek te, merdıger kompaniia nysandy aldaǧy oqu jylynda tolyq bıtırıp, paidalanuǧa berudı közdep otyr. Aita keteiın, Ontam auylynda "Yntymaq" atyndaǧy şaǧyn jinaqty bastauyş mektep qana bar eken. Ol jerde 1-4 synyp aralyǧyndaǧy 50 bala bılım alady. Al 5-11 synyp aralyǧyndaǧy 42 ūl-qyz Aqdala auylyndaǧy bılım ordasyna qatynap oqidy.
GÜLJAN QŪRMANBEKOVA, ARYS QALASYNYŊ ÄKIMI: 0000 "Memleket basşysy Qasym-jomart Toqaev aǧymdaǧy jylǧy Joldauynda memleket esebınen mektep saludan bölek, jeke käsıpkerlerdı mektep qūrylysyna tartuǧa tapsyrma berdı. 0033 Osyǧan säikes Joldauda berılgen tapsyrmalar boiynşa ärı qarai jūmystar atqaratyn bolamyz".
"Adyrna" ūlttyq portaly
Ūqsas jaŋalyqtar
