Bilim alý úshin ózge aýylǵa sabylǵan balalar endi óz mektebinde oqıdy. Arys qalasynyń irgesindegi Ontam eldi mekeninde 150 oryndyq mektep salynyp jatyr. Bul únemi estip júrgen jańalyq dersiz?! Biraq bilim ordasy memleket esebinen emes, jeke kásipkerdiń qarajatymen turǵyzylýda.
Qurylys nysany Memleket basshysy Qasym-Jomart Toqaevtyń 1 qyrkúıektegi Qazaqstan halqyna Joldaýynda kórsetilgen tapsyrmalardy júzege asyrý aıasynda qolǵa alynyp otyr. Investordyń ıgi isi tek jergilikti ul-qyzdarǵa emes, osy orta bilim ordasyna jumysqa tartylatyn 50 azamatqa da paıdasyn tıgizbek. Kásipker qurylysqa óz qaltasynan 600 mıllıon teńge bólgen.
Bul týraly «Eýrazııa» birinshi arnasy habarlaıdy.
KLARA NURMANOVA, JEKE KÁSIPKER: "Myna eldi mekenge mektep salý jospary bolǵan edi. Osy is qala ákiminiń qoldaýymen, halyqtyń qoldaýymen jolǵa qoıylyp jatyr. 0107 Oqýshylar uzaqqa barmaı, qysta jaýramaı, mektep jaqyn jerden bolsyn dep osy isti bastap jatyrmyz".
2,5 gektar aýmaqty alyp jatqan mekteptiń óz sport alańy da bolady. Nysan qurylysy 2023 jyly aıaqtalýy tıis. Desek te, merdiger kompanııa nysandy aldaǵy oqý jylynda tolyq bitirip, paıdalanýǵa berýdi kózdep otyr. Aıta keteıin, Ontam aýylynda "Yntymaq" atyndaǵy shaǵyn jınaqty bastaýysh mektep qana bar eken. Ol jerde 1-4 synyp aralyǵyndaǵy 50 bala bilim alady. Al 5-11 synyp aralyǵyndaǵy 42 ul-qyz Aqdala aýylyndaǵy bilim ordasyna qatynap oqıdy.
GÚLJAN QURMANBEKOVA, ARYS QALASYNYŃ ÁKIMI: 0000 "Memleket basshysy Qasym-jomart Toqaev aǵymdaǵy jylǵy Joldaýynda memleket esebinen mektep salýdan bólek, jeke kásipkerlerdi mektep qurylysyna tartýǵa tapsyrma berdi. 0033 Osyǵan sáıkes Joldaýda berilgen tapsyrmalar boıynsha ári qaraı jumystar atqaratyn bolamyz".
"Adyrna" ulttyq portaly
