"تاليبان" راديكالدى قوزعالىسى جەرگىلىكتى اكىمشىلىكتەر مەن اسكەري قىزمەتكەرلەرگە بۇكىل اۋعانستان اۋماعىندا اۋەگە وق اتۋعا تىيىم سالۋعا نۇسقاۋ بەرگەن دەپ حابارلايدى "ادىرنا" ۇلتتىق پورتالى.
بۇگىن ءتيىستى وكىمنىڭ ءماتىنىن قوزعالىس وكىلى زابيحۋللا مۋدجاحيد Twitter-دە جاريالاعان. وزدەرىن "اۋعانستان يسلام امىرلىگى" دەپ اتايتىن تالىبتەردىڭ نۇسقاۋلىعىندا كابۋلدا جانە ەلدىڭ باسقا دا قالالارىندا اۋەگە وق جاۋدىرۋ ادامداردىڭ ولىمىنە جانە جاراقاتتانۋىنا، سونداي-اق بەيبىت تۇرعىندار اراسىندا ۇرەي تۋدىراتىنى ايتىلعان.
"وسىعان بايلانىستى كابۋل مەن پروۆينتسيالارداعى بارلىق اسكەري شەنەۋنىكتەر، كومانديرلەر جانە باسقا دا جاۋاپتى ادامدارعا اسپانعا وق اتقانداردى دەرەۋ تۇتقىنداپ، قارۋسىزداندىرۋ تاپسىرىلدى. كابۋل مەن پروۆينتسيانىڭ پوليتسيا باسشىلارىنا، سونداي-اق بارلاۋ قىزمەتكەرلەرىنە قۇقىق بۇزۋشىلاردى انىقتاۋ جانە جازالاۋ ءۇشىن جەدەل جانە قاتاڭ شارالار قابىلداۋعا نۇسقاۋ بەرىلدى", - دەلىنگەن اتالعان نۇسقاۋلىقتا.
ايتا كەتۋ كەرەك، سەنبى كۇنى پاندجشەر پروۆينتسياسىن باسىپ الۋ تۋرالى حابارلامالاردان كەيىن "تاليباننىڭ" سودىرلارى كوشەلەردە جاپپاي بەي-بەرەكەت وق جاۋدىرعان. اتىستىڭ سالدارىنان ەلدە قازا تاپقاندار مەن جارالانعاندار سانى 70-تەن اسقان.
"ادىرنا" ۇلتتىق پورتالى.
