"Taliban" radikaldy qozǧalysy jergılıktı äkımşılıkter men äskeri qyzmetkerlerge bükıl Auǧanstan aumaǧynda äuege oq atuǧa tyiym saluǧa nūsqau bergen dep habarlaidy "Adyrna" ūlttyq portaly.
Bügın tiıstı ökımnıŋ mätının qozǧalys ökılı Zabihulla Mudjahid Twitter-de jariialaǧan. Özderın "Auǧanstan İslam ämırlıgı" dep ataityn tälıbterdıŋ nūsqaulyǧynda Kabulda jäne eldıŋ basqa da qalalarynda äuege oq jaudyru adamdardyŋ ölımıne jäne jaraqattanuyna, sondai-aq beibıt tūrǧyndar arasynda ürei tudyratyny aitylǧan.
"Osyǧan bailanysty Kabul men provinsiialardaǧy barlyq äskeri şeneunıkter, komandirler jäne basqa da jauapty adamdarǧa aspanǧa oq atqandardy dereu tūtqyndap, qarusyzdandyru tapsyryldy. Kabul men provinsiianyŋ polisiia basşylaryna, sondai-aq barlau qyzmetkerlerıne qūqyq būzuşylardy anyqtau jäne jazalau üşın jedel jäne qataŋ şaralar qabyldauǧa nūsqau berıldı", - delıngen atalǧan nūsqaulyqta.
Aita ketu kerek, senbı künı Pandjşer provinsiiasyn basyp alu turaly habarlamalardan keiın "Talibannyŋ" sodyrlary köşelerde jappai bei-bereket oq jaudyrǧan. Atystyŋ saldarynan elde qaza tapqandar men jaralanǧandar sany 70-ten asqan.
"Adyrna" ūlttyq portaly.
Ūqsas jaŋalyqtar
