مەملەكەت باسشىسى قاسىم-جومارت توقاەۆ قازاقستاندا اۋعانستاننان كەلگەن اۋعان بوسقىندارىن ۋاقىتشا ورنالاستىرۋ ماسەلەسى بويىنشا وڭ شەشىم قابىلداماعانىن ايتتى. بۇل تۋرالى Orda.kz جازدى، دەپ حابارلايدى «ادىرنا» ءتىلشىسى.
– امەريكالىق اكىمشىلىكپەن جۇمىس ىستەگەن اۋعان بوسقىندارىن بەلگىسىز ۋاقىتقا، ياعني ەكى، ءۇش ايعا، نەمەسە جارتى جىلعا پانالاۋ ماسەلەسىنە كەلەتىن بولساق، بۇل ماسەلە وڭ شەشىلگەن جوق. ويتكەنى، قازاقستاننىڭ ەگەمەندىگىمەن بايلانىستى كوپتەگەن نيۋانستار پايدا بولدى، – دەدى توقاەۆ شىعىس ەكونوميكالىق فورۋمىندا سويلەگەن سوزىندە.
پرەزيدەنت قازاقستانعا كەلۋگە ءتيىس ادامداردىڭ ءتيىستى ۆيزالارى بولعان جوق. سونداي-اق لوگيستيكانىڭ ءوزى بۇل ماسەلەنى وڭ شەشۋگە مۇمكىندىك بەرمەدى دەپ قوستى.
– ءبىز ناتو ەلدەرىنە جانە اقش-قا اۋعانستاندا جۇمىس ىستەگەن كونتينگەنت، ونىڭ ىشىندە اسكەري كونتينگەنتتى الىپ كەتكەن ۇشاقتاردى ۇشىپ ءوتۋ جانە جانارماي قۇيۋ ءۇشىن قازاقستاننىڭ اۋە كەڭىستىگى مەن اۋەجايلارىن ۇسىندىق، – دەدى توقاەۆ.
سونداي-اق شەف بارىسىندا «تاليبان»قوزعالىسىنىڭ ماسەلەسى تالقىلانادى.
– ماسەلە ساقتىقتى قاجەت ەتەدى. مەن بۇگىن تاليبان* قوزعالىسىنىڭ ءىس-قيمىلىن مۇقيات قاداعالايتىنىمىزدى بىرنەشە رەت ايتتىم، مۇنىڭ ءبارى وسىعان بايلانىستى، – دەدى توقاەۆ.
«ادىرنا» ۇلتتىق پورتالى
