نازارباەۆ پەن ترامپتىڭ كەلىسسوزىندە قانداي ماسەلەلەر تالقىلانۋى مۇمكىن ەكەنى بەلگىلى بولدى

2609
Adyrna.kz Telegram

قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى ديرەكتورىنىڭ ورىنباسارى سانات كوشكىنباەۆ نۇرسۇلتان نازارباەۆ پەن دونالد ترامپتىڭ اقش-تاعى كەلىسسوزدەرى كەزىندە قانداي ماسەلەلەر قوزعالۋى مۇمكىن ەكەنىن ايتتى، دەپ حابارلايدى قازاقپارات.

 

«مۇندا ءبىزدىڭ اقش-پەن ىنتىماقتاستىقتى كەڭەيتىلگەن ستراتەگيالىق ارىپتەستىك دەڭگەيىنە كوتەرۋدى ماقسات ەتەتىنىمىز جايلى ءسوز بولىپ وتىر. قۇراما شتاتتار – ءبىزدىڭ بۇرىننان، ەلىمىز تاۋەلسىزدىگىن العان كەزدەن بەرگى ستراتەگيالىق ارىپتەسىمىز. ايتپاقشى، قاڭتاردا ەكى ەل اراسىنداعى ديپلوماتيالىق قارىم-قاتىناستاردىڭ 26 جىلدىعى اتالىپ وتەدى. اقش – قازاقستاننىڭ ءىرى ساۋدا-ەكونوميكالىق، ينۆەستيتسيالىق ارىپتەسى. ساياسي تۇرعىدان ءبىز وڭىرلىك جانە جاھاندىق قاۋىپسىزدىك ماسەلەلەرىن قوزعاۋ جانە شەشۋ بويىنشا ىنتىماقتاسىپ كەلەمىز.

اتاپ ايتقاندا، اۋعانستان ماسەلەسى كەلىسسوزدەردىڭ ەڭ ماڭىزدىسى بولادى، بۇدان باسقا سيريا ماسەلەسى دە بار. رەسەيمەن قارىم-قاتىناستار اقش-تىڭ ەۋرازيالىق ستراتەگياسى اياسىندا تالقىلانادى»، – دەدى سانات كوشكىنباەۆ.

ساراپشىنىڭ سوزىنە قاراعاندا، كەلىسسوزدەر كەزىندە اقش پەن قازاقستان تەك ساۋدا-ەكونوميكالىق ىنتىماقتاستىق ەمەس، قاۋىپسىزدىك سالاسىنا قاتىستى ماسەلەلەردى دە تالقىلاۋ مۇمكىندىگىنە يە.

«ارينە يادرولىق قارۋعا قارسى اسپەكت تۇراقتى نازاردا بولادى، ويتكەنى اقش اكىمشىلىگى قازاقستاننىڭ يادرو قارۋىن تاراتپاۋ سالاسىنداعى كوشباسشىلىعىن ۇنەمى جوعارى باعالاپ كەلەدى. ونىڭ ۇستىنە كورەيا تۇبەگىندەگى وقيعالار كەلىسسوزدەردە وسى ماسەلەنى قوزعاۋدىڭ وزەكتىلىگىن ارتتىرا تۇسەدى»، – دەدى ول.

سونىمەن قاتار سانات كوشكىنباەۆ نۇرسۇلتان نازارباەۆتىڭ بۇۇ قاۋىپسىزدىك كەڭەسى وتىرىسىنا قاتىسۋى تۋرالى ايتتى. ونىڭ سوزىنە قاراعاندا، بۇل قازاقستاننىڭ بۇۇ قاۋىپسىزدىك كەڭەسىنە قاڭتارداعى توراعالىعى كەزەڭىندەگى وقيعالاردىڭ شارىقتاۋ شەگى بولماق.

«اتالعان دەباتتار يادرولىق تاراتپاۋ سياقتى ماسەلەسىنە ارنالۋى كەرەك. سىزدەر قازاقستاننىڭ 1990 جىلدارى ءوزىن يادرولىق قارۋسىزدانۋ جونىندەگى جاھاندىق قوزعالىستىڭ كوشباسشىلارىنىڭ ءبىرى رەتىندە كورسەتكەندىگىن بىلەسىزدەر. ءبىز ۇيىمنىڭ شەتەلدىك سەرىكتەستەرىنىڭ جوعارى باعاسىن الدىق جانە ولاردىڭ قولداۋىنا يە بولدىق. وسى تۇرعىدان العاندا قازاقستاننىڭ جوعارىداعىداي باستامالارمەن شىعۋىنا مورالدىق قۇقى بار. ايتا كەتەتىن ماسەلە، دەباتقا بۇۇ-نىڭ باس حاتشىسى انتونيو گۋتتەريش قاتىسۋى كەرەك»،-دەدى قسزي توراعاسىنىڭ ورىنباسارى.

سونداي-اق، قازاقستاننىڭ بۇۇ قاۋىپسىزدىك كەڭەسىنە توراعالىعىنىڭ اياسىندا وتەتىن ماڭىزدى شارالاردىڭ ءبىرى رەتىندە سانات كوشكىنباەۆ ءوزارا ارەكەت ەتۋ، قاۋىپسىزدىك پەن دامۋدىڭ ۇلگىسى رەتىندە ورتالىق ازيا مەن اۋعانستاندا وڭىرلىك سەرىكتەستىك قۇرۋ ماسەلەسىنە ارنالعان دەباتتى اتادى. ول سوزىندە اتالعان دەباتتاردىڭ ماقساتى زور ەكەنىن اتاپ ءوتتى. سەبەبى وندا اۋعانستاندى ەكونوميكالىق جانە ساۋدا بايلانىستارىنا تارتا وتىرىپ، ساۋىقتىرۋ جانە وسى ارەكەت ارقىلى اتالمىش ەلدى وڭىردەگى كورشىلەرى ءۇشىن اشىق ءارى پراگماتيكالىق ەتۋ ماسەلەسى قارالادى.

«بۇل باستامانى اۋعان تاراپى قولداپ وتىر جانە ونى وتە ناتيجەلى شارا دەپ ەسەپتەيدى»،-دەدى ول.


Stan.kz

پىكىرلەر