Pfizer-BioNTech Comirnaty ۆاكتسيناسى (Komirnati) قازاقستاندا ۋاقىتشا تىركەۋدەن ءوتتى، دەپ حابارلايدى "ادىرنا" ۇلتتىق پورتالى.
دەنساۋلىق ساقتاۋ مينيسترلىگى 23 تامىزدا مەديتسينالىق جانە فارماتسەۆتيكالىق باقىلاۋ كوميتەتى كوميرناتي ۆاكتسيناسىنا سەگىز اي مەرزىمگە ۋاقىتشا تىركەۋ كۋالىگىن بەرگەنىن حابارلايدى.
كوميرناتي ۆاكتسيناسىن Pfizer مەن BionTech بىرلەسىپ جاساعان. ۆاكتسينانى قولدانۋ جونىندەگى نۇسقاۋلىقتا بۇل پرەپارات ەرەسەكتەر مەن 12 جاستان اسقان جاسوسپىرىمدەرگە ارنالعان دەپ كورسەتىلگەن.
بۇعان دەيىن قر دەنساۋلىق ساقتاۋ ءمينيسترى الەكسەي تسوي بۇل ۆاكتسينا تەك جۇكتى ايەلدەر مەن بالالارعا عانا قولجەتىمدى بولاتىنىن ايتقان بولاتىن. بۇل جاعدايدا بالالارعا تەك اتا-انالارىنىڭ نەمەسە زاڭدى وكىلدەرىنىڭ رۇقساتىمەن ەكپە ەگىلەتىن بولادى.
"ادىرنا" ۇلتتىق پورتالى
