بۇگىن جامبىل وبلىسى بايزاق اۋدانىنداعى ورتەنگەن اسكەري قويمادا تاعى جارىلىس بولدى دەپ حابارلايدى "ادىرنا" ۇلتتىق پورتالى.
قر قورعانىس مينيسترلىگى حابارلاعانداي، جارىلىستان زارداپ شەككەندەر جوق.
"26 تامىزدا ءورت شىققان ينجەنەرلىك وق-دارىلەر قويماسىنىڭ اۋماعىندا بۇگىن، 29 تامىزدا ساعات 12.20 شاماسىندا تارس ەتكەن جالىن ورىن الدى. وقيعا ورنىندا زارداپ شەككەندەر جوق، ادامدار بولماعان. سەبەپتەرى انىقتالۋدا" دەلىنگەن مينيسترلىك ءباسپاسوز حابارلاماسىندا.
بۇل جولعى جارىلىستىڭ سەبەبى ءالى بەلگىسىز. نۇرلان ەرمەكباەۆ جارىلىسقا قويمادا قاۋىپسىزدىك تالاپتارىنىڭ ساقتالماۋى نەمەسە حيميالىق رەاكتسيامەن وزدىگىنەن تۋى نەمەسە ديۆەرسيا سەبەپ بولۋى مۇمكىن دەپ توپشىلايدى.
"ادىرنا" ۇلتتىق پورتالى.
